Superliga e Futbollit të Kosovës
| Skeda:Albi Mall Superliga 2023 24 Logo.svg | |
| Organising body | FFK Competitions Commission |
|---|---|
| Founded | 1945 as Kosovo Province League 1991 as Independent League of Kosovo |
| First season | 1945 as Kosovo Province League 1991–92 as Independent League of Kosovo |
| Country | Stampa:KVX |
| Confederation | UEFA |
| Number of clubs | 10 |
| Level on pyramid | 1 |
| Relegation to | Kosovo First League |
| Domestic cup(s) | Kosovar Cup Kosovar Supercup |
| International cup(s) | UEFA Champions League UEFA Conference League |
| Current champions | Drita (4th title) (2024–25) |
| Most championships | Prishtina (11 titles) |
| Most appearances | Artan Latifi (493) |
| Broadcaster(s) | ArtMotion via ArtSport and Klan Kosova |
| Website | Official website |
| Current: 2025–26 Football Superleague of Kosovo | |
Superliga e Kosovës është kategoria më e lartë e garave në futboll në Kosovë të organizuara nga Federata e Futbollit e Kosovës (FFK). FFK organizon edhe dy kategori më të ulta të garave në futboll: Liga e Parë, Liga e Dytë (Grupi A dhe B).
Historia
[Redakto | Redakto nëpërmjet kodit]Periudha e parë
[Redakto | Redakto nëpërmjet kodit]Topi i parë në Kosovë është sjellur nga një student i Grenoblit më 1919, por thuhet se më 1914 futboll kanë luajtur Austro-Hungarezët që kanë shërbyer në Kosovë në atë kohë. Futbolli në Kosovë është luajtur shumë herët, por klubet e para janë formuar në vitin 1922 në Gjakovë dhe KF “Prishtina” në Prishtinë, e më pastaj formohen edhe klubet e tjera. Garat nuk kanë qenë të rregullta për arsye të situatës jostabile që ka mbretëruar në atë kohë.
Periudha e dytë
[Redakto | Redakto nëpërmjet kodit]Kjo periudhë fillon pas luftës së dytë Botërore prej vitit 1945 e deri më 1991. Në këtë kohë futbolli në Jugosllavi përparon në mënyrë të shpejtë e bashkë me të edhe futbolli kosovar, kur formohet edhe Federata e Futbollit të Kosovës më 1948, si degë e Federatës së Futbollit të Jugosllavisë. Në Ligën e parë jugosllave dallohen më së shumti KF “Prishtina”, kurse një vit anëtar i kësaj lige ishte edhe KF “Trepça” nga Mitrovica. Liga e dytë shtetërore vazhdimisht kishte nga 3-4 klube kosovare. Në këto dy liga Federative garonin Sllovenia, Kroacia, Bosnja e Hercegovina, Serbia, Mali i Zi,Vojvodina, Kosova dhe Maqedonia, të gjitha në një ligë unike. Kosova e kishte ligën e vet të parë, ku skuadra kampione kalonte direkt në Ligën e dytë jugosllave, pastaj kishte Ligën e dytë dhe të tretë. Kosova në këtë kohë kishte reprezentues, referë federativë dhe punëtorë të shumtë të nivelit më të lartë.
Periudha e tretë
[Redakto | Redakto nëpërmjet kodit]Në kohën e shpërbërjes së Jugosllavisë, pikërisht në vitin 1991 futbolli kosovar ishte në zenitin e saj dhe kishte vazhdimisht 4-5 klube në të dy ligat federative. Por, përkeqësimi i situatës politike reflektohej edhe në sport. Ishte gati e pamundur të luhej më futboll, e sidomos jo në Kosovë. Kjo bëri që në gusht të vitit 1991, klubi më i mirë i Kosovës, Prishtina me një traditë të ndritshme në Ligën e parë jugosllave të braktisë Ligën profesioniste të Jugosllavisë, sepse nuk kishte më garancë për sigurinë as të lojtarëve, as të zyrtarëve të tjerë, por as të simpatizuesve kosovar. Reaksioni i pushtetit të Millosheviqit ishte pa presedan në historinë e sportit. Ai suprimoi të gjitha klubet e të gjitha sporteve dhe definitivisht i largoi nga fushat e veta të gjithë sportistët e Kosovës, siç bëri edhe me punëtorët që i la në rrugë. Të gjitha nivelet e ligave të futbollit në Kosovë u zhdukën për një ditë nga dora kriminele e pushtetit serb. Në vitin 1991, pas këtij akti të pashembullt të shtetit serbo-jugosllav, futbolldashësit kosovar treguan qartë se nuk mund të jetojnë pa futboll dhe në kushte absurde për shekullin e 20-të, formuan FEDERATËN E FUTBOLLIT Të KOSOVËS, të pavarur nga Jugosllavia me të gjitha organet e saja: kryetarin, bordin prej 12 anëtarëve nga 7 qendrat rajonale, komisionet, shoqatat etj.. Ndeshja e parë u zhvillua në stadiumin e Flamurtarit në Prishtinë, më 13 shtator 1991, që shënoi fillimin e kampionatit të parë të pavarur të Kosovës. Liga e parë e Kosovës numëronte 20 skuadra, ndërsa ligat tjera mvarësisht nga Regjionet, por ndeshjet luheshin vetëm nëpër fusha të improvizuara, në kushte shumë të vështira. Nëpër stadiumet e futbollit të Kosovës luanin tani 8% e popullatës së gjithmbarshme të saj, pra vetëm serbët. Maltretimet, burgosjet, rrahjet ishin të pranishme në çdo javë, por futbolli në Kosovë mbijetoi dhe u luajtë deri në janar të vitit 1998, kur filloi fushata luftarake serbe ndaj popullatës civile të Kosovës. Edhe gjatë kësaj periudhe (1991-1998)në Kosovë luhej futbolli sipas rregullave të UEFA-s dhe FIFA-s, dhe çdo ndryshim i rregullave të tyre menjëherë aplikohej në sistemin e garave tona.
Periudha e katërt
[Redakto | Redakto nëpërmjet kodit]Faza e IV-të e Futbollit në Kosovë filloi menjëherë pas përfundimit të luftës në Kosovë më 1999, kur u riorganizua FEDERATA E FUTBOLLIT E KOSOVËS. Konstituohet Kuvendi, miratohet Statuti, konfirmohen klubet pjesëmarrëse, caktohen komisionet, shoqatat, etj. Liga e parë numëronte 18 skuadra, Liga e dytë – dy grupe me nga 14 suadra. Prej vitit 1991 deri më sot vazhdimisht në futbollin e Kosovës është luajtur sipas rregullave të UEFA-së dhe FIFA-s. Tani në edicionin e ri 2006/2007, Kosova ka Superligën me 16 skuadra, Ligën e parë me 14 skuadra, Ligën e dytë – dy grupe me nga 12 skuadra dhe Ligën e tretë – dy grupe nga 10 skuadra, pastaj Ligat e juniorëve dhe të gjitha grupmoshat që garojnë sipas sistemit të garave të UEFA-së. Kushtet infrastrukturale prej vitit 1999 deri në ditët e sotme janë shumë të vështira dhe futbolli po mbijeton vetëm falë sponzorëve vullnetarë, të cilët me vite të tëra sponzorojnë me mjete personale, edhepse atyre nuk u mundësohet asnjë lehtësim fiskal konkret nga shteti qoftë në infrastrukturë apo të tjera, por edhe mundësitë realisht janë të kufizuara.
Periudha e pestë
[Redakto | Redakto nëpërmjet kodit]Pas shumë peripecive, sakrificave të shumë gjeneratave, më në fund Federata e Futbollit e Kosovës, nën drejtimin e Fadil Vokrrit, pas shumë takimeve dhe lobimeve, arriti që t’i thyejë të gjitha barrierat dhe në maj të vitit 2016 të bëhet fillimisht anëtare e UEFA-s, e më pas edhe e FIFA-s, duke u bërë kësisoj pjesë e familjes së madhe të futbollit evropian dhe atij botëror. Kjo periudhë vlerësohet edhe si më e rëndësishmja për zhvillimin e mëtejmë të futbollit kosovar, pasi tani përveç se Kosova do të marrë pjesë në kualifikimet e Evropianit dhe Botërorit me kombëtaren e saj, edhe klubet do të paraqiten në garat evropiane.
Ekipet
[Redakto | Redakto nëpërmjet kodit]Superliga në sezonin 2025–26 ka 10 ekipe. Ato janë:
| Klubi | Qyteti | Stadiumi | Kapaciteti |
|---|---|---|---|
| Ballkani | Suhareka | Stadiumi Suhareka | 1.500 |
| Drenica | Skënderaj | Stadiumi Bajram Aliu | 4.000 |
| Drita | Gjilani | Stadiumi i Gjilanit | 15.000 |
| Dukagjini | Klina | Stadiumi 18 Qershori | 1.000 |
| Ferizaj | Ferizaj | Stadiumi i Barit Sintetik i Ferizajt | 1.500 |
| Gjilani | Gjilani | Stadiumi i Barit Sintetik i Gjilanit | 1.500 |
| Llapi | Podujevë | Stadiumi Zahir Pajaziti | 10.000 |
| Malisheva | Malishevë | Stadiumi Liman Gegaj | 1.800 |
| Prishtina | Prishtina | Stadiumi Fadil Vokrri | 13.000 |
| Prishtina e Re | Prishtina | Kampi Kombëtar Arsimor i FFK-së | 1.000 |
Kampionët e Kosovës
[Redakto | Redakto nëpërmjet kodit]Kjo është lista e fituesve të Superligës të Kosovës nga viti 1945.[1]
Klubet Kampione
[Redakto | Redakto nëpërmjet kodit]| Klubi | Kampion | Viti |
|---|---|---|
| Prishtina | 10 | 1991–92, 1995–96, 1996–97, 1999–00, 2000–01, 2003–04, 2007–08, 2008–09, 2011–12, 2012–13 |
| Liria | 5 | 1994-95, 1980-81, 1983-84, 1986-87, 1994-95 |
| Ballkani | 3 | 2021-22, 2022-23, 2023-24 |
| Besa | 3 | 2004–05, 2005–06, 2006–07 |
| Feronikeli | 2014–15, 2015–16, 2018-19 | |
| Drita | 4 | 2002–03, 2017–18, 2019–20, 2024–25 |
| Trepça | 2 | 1992–93, 2009–10 |
| Fushë Kosova | 1 | 1990–91 |
| Dukagjini | 1993–94 | |
| Besiana | 2001–02 | |
| Hysi | 2010–11 | |
| Vushtrria | 2013–14 | |
| Trepça'89 | 2016–17 |
Lidhje të jashtme
[Redakto | Redakto nëpërmjet kodit]- Superliga Faqja zyrëtare e FFK-së
 | Ky artikull nga futbolli është i cunguar. Ju mund të ndihmoni Wikipedian duke e zgjeruar atë. |
- ↑ "Kosovo - List of Champions". RSSSF.
{{cite news}}: Mungon ose është bosh parametri|language=(Ndihmë!)