Superliga e Kosoves

Nga Wikipedia, enciklopedia e lirë
Jump to navigation Jump to search
Superliga e Kosovës
Kombëtarja Kosova
Konfederata UEFA
Themeluar 1946
Sezoni i parë 1999
Numri i ekipeve 12
Hipin në UEFA Champions League
Bien në Liga e Parë
Kupa kombëtare Kupa e Kosovës
Kampioni aktual KF Drita (2017-18)
Më shumë tituj kampion KF Prishtina
Vendi i parë aktualisht KF Drita (2017-18)
Faqja zyrtare Official
Finalja 2007/2008

Superliga e Kosovës është kategoria më e lartë e garave në futboll në Kosovë të organizuara nga Federata e Futbollit e Kosovës (FFK). FFK organizon edhe dy kategori më të ulta të garave në futboll: Liga e Parë, Liga e Dytë (Grupi A dhe B)

Ipko Superliga në sezonin 2018/19 ka 12 ekipe. Ato janë:

Historia[redakto | përpunoni burim]

Periudha e parë[redakto | përpunoni burim]

Topi i parë në Kosovë është sjellur nga një student i Grenoblit më 1919, por thuhet se më 1914 futboll kanë luajtur Austro-Hungarezët që kanë shërbyer në Kosovë në atë kohë. Futbolli në Kosovë është luajtur shumë herët, por klubet e para janë formuar në vitin 1922 në Gjakovë dhe KF “Prishtina” në Prishtinë, e më pastaj formohen edhe klubet e tjera. Garat nuk kanë qenë të rregullta për arsye të situatës jostabile që ka mbretëruar në atë kohë.

Periudha e dytë[redakto | përpunoni burim]

Kjo periudhë fillon pas luftës së dytë Botërore prej vitit 1945 e deri më 1991. Në këtë kohë futbolli në Jugosllavi përparon në mënyrë të shpejtë e bashkë me të edhe futbolli kosovar, kur formohet edhe Federata e Futbollit të Kosovës më 1948, si degë e Federatës së Futbollit të Jugosllavisë. Në Ligën e parë jugosllave dallohen më së shumti KF “Prishtina”, kurse një vit anëtar i kësaj lige ishte edhe KF “Trepça” nga Mitrovica. Liga e dytë shtetërore vazhdimisht kishte nga 3-4 klube kosovare. Në këto dy liga Federative garonin Sllovenia, Kroacia, Bosnja e Hercegovina, Serbia, Mali i Zi,Vojvodina, Kosova dhe Maqedonia, të gjitha në një ligë unike. Kosova e kishte ligën e vet të parë, ku skuadra kampione kalonte direkt në Ligën e dytë jugosllave, pastaj kishte Ligën e dytë dhe të tretë. Kosova në këtë kohë kishte reprezentues, referë federativë dhe punëtorë të shumtë të nivelit më të lartë.

Periudha e tretë[redakto | përpunoni burim]

Në kohën e shpërbërjes së Jugosllavisë, pikërisht në vitin 1991 futbolli kosovar ishte në zenitin e saj dhe kishte vazhdimisht 4-5 klube në të dy ligat federative. Por, përkeqësimi i situatës politike reflektohej edhe në sport. Ishte gati e pamundur të luhej më futboll, e sidomos jo në Kosovë. Kjo bëri që në gusht të vitit 1991, klubi më i mirë i Kosovës, Prishtina me një traditë të ndritshme në Ligën e parë jugosllave të braktisë Ligën profesioniste të Jugosllavisë, sepse nuk kishte më garancë për sigurinë as të lojtarëve, as të zyrtarëve të tjerë, por as të simpatizuesve kosovar. Reaksioni i pushtetit të Millosheviqit ishte pa presedan në historinë e sportit. Ai suprimoi të gjitha klubet e të gjitha sporteve dhe definitivisht i largoi nga fushat e veta të gjithë sportistët e Kosovës, siç bëri edhe me punëtorët që i la në rrugë. Të gjitha nivelet e ligave të futbollit në Kosovë u zhdukën për një ditë nga dora kriminele e pushtetit serb. Në vitin 1991, pas këtij akti të pashembullt të shtetit serbo-jugosllav, futbolldashësit kosovar treguan qartë se nuk mund të jetojnë pa futboll dhe në kushte absurde për shekullin e 20-të, formuan FEDERATËN E FUTBOLLIT Të KOSOVËS, të pavarur nga Jugosllavia me të gjitha organet e saja: kryetarin, bordin prej 12 anëtarëve nga 7 qendrat rajonale, komisionet, shoqatat etj.. Ndeshja e parë u zhvillua në stadiumin e Flamurtarit në Prishtinë, më 13 shtator 1991, që shënoi fillimin e kampionatit të parë të pavarur të Kosovës. Liga e parë e Kosovës numëronte 20 skuadra, ndërsa ligat tjera mvarësisht nga Regjionet, por ndeshjet luheshin vetëm nëpër fusha të improvizuara, në kushte shumë të vështira. Nëpër stadiumet e futbollit të Kosovës luanin tani 8% e popullatës së gjithmbarshme të saj, pra vetëm serbët. Maltretimet, burgosjet, rrahjet ishin të pranishme në çdo javë, por futbolli në Kosovë mbijetoi dhe u luajtë deri në janar të vitit 1998, kur filloi fushata luftarake serbe ndaj popullatës civile të Kosovës. Edhe gjatë kësaj periudhe (1991-1998)në Kosovë luhej futbolli sipas rregullave të UEFA-s dhe FIFA-s, dhe çdo ndryshim i rregullave të tyre menjëherë aplikohej në sistemin e garave tona.

Periudha e katërt[redakto | përpunoni burim]

Faza e IV-të e Futbollit në Kosovë filloi menjëherë pas përfundimit të luftës në Kosovë më 1999, kur u riorganizua FEDERATA E FUTBOLLIT E KOSOVËS. Konstituohet Kuvendi, miratohet Statuti, konfirmohen klubet pjesëmarrëse, caktohen komisionet, shoqatat, etj. Liga e parë numëronte 18 skuadra, Liga e dytë – dy grupe me nga 14 suadra. Prej vitit 1991 deri më sot vazhdimisht në futbollin e Kosovës është luajtur sipas rregullave të UEFA-së dhe FIFA-s. Tani në edicionin e ri 2006/2007, Kosova ka Superligën me 16 skuadra, Ligën e parë me 14 skuadra, Ligën e dytë – dy grupe me nga 12 skuadra dhe Ligën e tretë – dy grupe nga 10 skuadra, pastaj Ligat e juniorëve dhe të gjitha grupmoshat që garojnë sipas sistemit të garave të UEFA-së. Kushtet infrastrukturale prej vitit 1999 deri në ditët e sotme janë shumë të vështira dhe futbolli po mbijeton vetëm falë sponzorëve vullnetarë, të cilët me vite të tëra sponzorojnë me mjete personale, edhepse atyre nuk u mundësohet asnjë lehtësim fiskal konkret nga shteti qoftë në infrastrukturë apo të tjera, por edhe mundësitë realisht janë të kufizuara.

Periudha e pestë[redakto | përpunoni burim]

Pas shumë peripecive, sakrificave të shumë gjeneratave, më në fund Federata e Futbollit e Kosovës, nën drejtimin e Fadil Vokrrit, pas shumë takimeve dhe lobimeve, arriti që t’i thyejë të gjitha barrierat dhe në maj të vitit 2016 të bëhet fillimisht anëtare e UEFA-s, e më pas edhe e FIFA-s, duke u bërë kësisoj pjesë e familjes së madhe të futbollit evropian dhe atij botëror. Kjo periudhë vlerësohet edhe si më e rëndësishmja për zhvillimin e mëtejmë të futbollit kosovar, pasi tani përveç se Kosova do të marrë pjesë në kualifikimet e Evropianit dhe Botërorit me kombëtaren e saj, edhe klubet do të paraqiten në garat evropiane.

Previous winners[redakto | përpunoni burim]

This is a list of winners of Football Superleague of Kosovo since 1945.[1]

Liga e Provinces se Kosoves[a]
Seazoni Klubi Qyteti
1945 Jedinstvo Pristina
1946
1947 Trepça Mitrovica
1947–48 Proleteri Pristina
1948–49 Trepça Mitrovica
1950
1951 Kosova Pristina
1952 Trepça Mitrovica
1953 Not played due to change of league system
1953–54 Prishtina Pristina
1954–55 Trepça Mitrovica
1955–56 Rudari Stari Trg
1956–57 Rudniku Hajvalia
1957–58 Rudari Stari Trg
1958–59 Prishtina Pristina
1959–60 Rudari Stari Trg
1960–61 Prishtina Pristina
1961–62 Budućnost Peć
1962–63 Drita Gjilan
1963–64 Slloga Lipljan
1964–65
1965–66 Budućnost Peć
1966–67 Obilić Obilić
1967–68 Vëllaznimi Gjakova
1968–69
1969–70
1970–71
1971–72 Obilić Obilić
1972–73 Fushë Kosova Kosovo Polje
1973–74 Vëllaznimi Gjakova
1974–75 KF Liria Prizren
1975–76 RHMK Obilić Obilić
1976–77 Prishtina Pristina
1977–78 Budućnost Peć
1978–79 Prishtina Pristina
1979–80 Vëllaznimi Gjakova
1980–81 Liria Prizren
1981–82 Vëllaznimi Gjakova
1982–83 KNI Ramiz Sadiku Pristina
1983–84 Liria Prizren
1984–85 Crvena Zvezda Gnjilane Gjilan
1985–86 Vëllaznimi Gjakova
1986–87 Liria Prizren
1987–88 Crvena Zvezda Gnjilane Gjilan
1988–89 Budućnost Peć
1989–90 Vëllaznimi Gjakova

Liga e Pavarur e Kosoves[b]
Seazoni Klubi Qyteti
1990–91 Fushë Kosova Kosovo Polje
1991–92 Prishtina Pristina
1992–93 Trepça Mitrovica
1993–94 Dukagjini Klina
1994–95 Liria Prizren
1995–96 Prishtina Pristina
1996–97
1997–98 Competition not held due to Kosovo War
1998–99
Pas çlirimit të Kosovës (UNMIK)
1999–2000 Prishtina Pristina
2000–01
2001–02 Besiana Podujevo
2002–03 Drita Gjilan
2003–04 Prishtina Pristina
2004–05 Besa Pejë Peć
2005–06
2006–07
2007–08 Prishtina Pristina
2008–09
2009–10 Trepça Mitrovica
2010–11 Hysi Podujevo
2011–12 Prishtina Pristina
2012–13
2013–14 Vushtrria Vučitrn
2014–15 Feronikeli Glogovac
2015–16
Pas pranimit në UEFA dhe FIFA
2016–17 Trepça'89 Mitrovica
2017–18 Drita Gjilan

Klubet Kampione[redakto | përpunoni burim]

Klubi Kampion Viti
Prishtina 10 1991–92, 1995–96, 1996–97, 1999–00, 2000–01, 2003–04, 2007–08, 2008–09, 2011–12, 2012–13
Besa Pejë 3 2004–05, 2005–06, 2006–07
Trepça 2 1992–93, 2009–10
Feronikeli 2014–15, 2015–16
Drita 2002–03, 2017–18
Fushë Kosova 1 1990–91
Dukagjini 1993–94
Liria 1994–95
Besiana 2001–02
Hysi 2010–11
Vushtrria 2013–14
Trepça'89 2016–17

Lidhje të jashtme[redakto | përpunoni burim]

Sporti në Kosovë

Atletik Basketboll Boks Hendboll Futboll Karate Pingpong Shah
Volejboll Mundje Peshëngritje Alpinizëm Çiklizem Not Xhudo
Football pictogram.svg
FFK.PNG
Raiffeisen Superliga · Liga e Parë
 · Liga 2 - Grupi A  ·  Liga 2 - Grupi B  ·  Liga e Femrave  · Superliga - Juniorët  · Liga e Parë - Juniorët
 ·  Superliga - Futsall  · Liga e parë - Futsall  · 



  1. ^ "Kosovo - List of Champions". RSSSF.