Jump to content

Dashamir Xhika

Nga Wikipedia, enciklopedia e lirë
Dashamir Xhika
Të dhënat vetjake
Emri i plotëDashamir Xhika
DatëlindjaGabim: Nevojitet datë e vlefshme lindjeje: viti, muaji, data
VendlindjaTiranë, Shqipëri
PozicioniPortier
Të dhënat e klubit
Klubi aktual
Iliria
Numri1
Karriera me të rinjtë
Partizani
Karriera me klube*
VitetKlubiNdeshje(Golat)
2006–2010Partizani26(0)
2011–2013Besëlidhja56(2)
2013–2014Tërbuni28(0)
2014–2019Partizani23(0)
2019–2022Kukësi54(0)
2022–2024Erzeni38(0)
2024–Iliria0(0)
*Ndeshjet dhe golat me klubet llogariten vetëm për ligën vendase – redaktuar më 1 qershor 2024

Dashamir Xhika (lindur më 23 Maj 1989) është një futbollist profesionist shqiptar i cili luan si portier për klubin shqiptar Iliria.[1][2][3][4]

Karriera me klube

[Redakto | Redakto nëpërmjet kodit]

Besëlidhja

[Redakto | Redakto nëpërmjet kodit]

Xhika u transferua te Besëlidhja gjatë verës së vitit 2011. Ai u dallua me performancat e tij në sezonin 2011–12, duke pësuar vetëm 15 gola në 28 ndeshje. Ai gjithashtu shënoi dy golat e parë si profesionist, duke u bërë një nga portierët e pakët në Shqipëri që e arrin këtë gjë.[5] Goli i tij i parë erdhi më 4 dhjetor 2011 në fitoren minimale 1–0 kundër Adës në Kategorinë e Parë.[6] Goli i tij i dytë u shënua po me penallti në fitoren 2–0 kundër Burrelit më 31 mars 2012.[7]

Besëlidhja e mbylli kampionatin në vendin e 5të, duke siguruar një vend në play-off. Në ndeshjen play-off kundër Tomorit, Besëlidhja u eliminua me penallti pasi koha e rregullt dhe shtesa u mbyllën në barazim pa gola; Xhika shënoi në tentativën e tij.[8]

Xhika vazhdoi të ishte titullar edhe në sezonin e ardhshëm, duke luajtur në 27 nga 30 ndeshjet në kampionat. Më 24 nëntor 2012, ai mori një karton të kuq në minutën e 83të të humbjes 1–0 kundër Dinamos.[9] Sezoni i Besëlidhjes u karakterizua nga rezultatet negative e cila kulmoi me rënjen e ekipit në Kategorinë e Dytë, gjë që detyroi Xhikën të ndërpriste kontratën me klubin.[10] I pyetur për sezonin negativ të ekipit, ai deklaroi: "Këtë vit Besëlidhja nuk e pati jehonën e dy sezoneve të shkuara, kur ishte kandidatja kryesore për të kapur Superioren. Për mua është sezoni i tretë që ruaj portën e Besëlidhjes, por këtë vit jemi paraqitur shumë dobët dhe kemi zhgënjyer."[11]

Tërbuni

[Redakto | Redakto nëpërmjet kodit]

Në gusht 2013, Xhika qëndroi në Kategorinë e Parë duke firmosur një kontratë me Tërbunin, i cili kishte objektiv ngjitjen në Kategorinë Superiore për herë të parë në histori.[12] Ai debutoi më 31 gusht në humbjen 2–1 kundër Elbasanit në ndeshjen hapëse të sezonit 2013–14.[13] Gjatë këtij sezoni, Xhika ishte titullar në formacion, duke luajtur 28 ndeshje në kampionat. Tërbuni siguroi ngjitjen në Kategorinë Superiore për herë të parë në histori.[14] Ai u vlerësua për performancat e tij gjatë këtij sezoni.[15] Pas përfundimit të sezonit, Xhika njoftoi largimin nga klubi.[16]

Partizani

[Redakto | Redakto nëpërmjet kodit]

Në maj 2014, Xhika firmosi me Partizanin, duke u rikthyer në kryeqytet pas katër vitesh.[16] Ai mori fanellën me numrin 1 dhe e shpenzoi shumicën e sezonit 2014–15 si rezerva e Alban Hoxhës. Ai luajti ndeshjen e parë në kampionat më 9 nëntor kundër Skënderbeut, duke përfituar nga mungesa e Hoxhës për arsye familjare. Megjithatë, ai u përjashtua me karton të kuq në minutën e 25të për shkak të një ndërhyrje të gabuar në zonë, duke shkaktuar penallti. Partizani e humbi ndeshjen 3–0.[17]

Xhika ishte titullar në kupë, duke luajtur në të dy ndeshjet e raundit të parë kundër Ilirisë, me Partizanin që u kualifikua në raundin e dytë me rezultatin e përgjithshëm 5–1; ai e mbajti portën e paprekur në ndeshjen e parë.[18] Ai luajti ndeshjen e dytë në kampionat për këtë sezon më 31 janar 2015, duke e mbajtur portën e paprekur në fitoren kundër Apolonisë në Fier.[19] Xhika gjithashtu luajti titullar në tre ndeshjet e fundit të kampionatit në maj, duke mos pësuar gol kundër Flamurtarit, Vllaznisë dhe Elbasanit; Xhika e mbylli kampionatin duke mos pësuar asnjë gol gjatë 385 minutave që luajti. Partizani e mbylli sezonin në vendin e 7të, duke u rikthyer në kompeticionet evropiane pas shtatë vitesh.[20]

Xhika vazhdoi të ishte portieri i dytë i ekipit edhe në sezonin 2015–16. Më 2 korrik, në ndeshjen e parë të raundit të parë kualifikues kundër Strømsgodset, Xhika bëri debutimin e tij evropian duke zëvëndësuar të dëmtuarin Hoxha në minutën e 30të; Partizani u mposht 3–1, pavarësisht disa pritjeve të mira nga Xhika.[21] Ai nuk luajti në ndeshjen e kthimit, me Partizanin që u mposht 1–0 dhe u eliminua nga kompeticioni.[22]

Xhika luajti ndeshjen e parë në kampionat për këtë sezon më 1 nëntor 2015 kundër Teutës; ai hyri sërisht si zëvëndësues në vend të Hoxhës, i cili pësoi një dëmtim në kokë.[23] Ai ishte titullar në ndeshjen e rradhës kundër Laçit në Elbasan Arena, duke u mposhtur në minutën e 7të nga Olsi Gocaj; ky ishte goli i parë që Xhika pësoi në kampionat që pas rikthimit te Partizani, duke vendosur një rekord të ri personal me 400 minuta pa pësuar gol.[24] Më 25 prill 2016, Xhika ishte protagonist në ndeshjen vendimtare kundër Kukësit, duke pritur një penallti të Izair Emini të shkaktuar nga Hoxha i cili u përjashtua me karton të kuq. Partizani fitoi ndeshjen 1–0 falë golit në momentet e fundit të Xhevahir Sukajt.[25]

Xhika e nisi sezonin e ri 2017–18 duke luajtur si titullar në ndeshjen hapëse të kampionatit kundër Laçit; në pjesën e parë ai pati faj në pësimin e golit të Sherif Kallakut, me Partizanin që u mposht 2–0.[26] Gjatë sezonit 2018–19, Xhika u aktivizua në pesë ndeshje në kampionat me Partizanin që u shpall kampion i Shqipërisë për herë të 16të në histori dhe për herë të parë që nga viti 1992. Ky ishte trofeu i parë në karrierën e Xhikën.[27] Pas përfundimit të sezonit, Xhika njoftoi largimin nga klubi pas pesë vitesh, duke shprehur dëshirën për të firmosur me një klub ku mund të luaj.[28]

Kukësi

[Redakto | Redakto nëpërmjet kodit]

Më 6 gusht 2019, Xhika u transferua te Kukësi duke nënshkruar një marrëveshje një-vjeçare.[29] Ai ishte titullar në sezonin e tij të parë me Kukësin, duke u aktivizuar në 29 ndeshje. Megjithatë, në sezonin e ardhshëm ai konkuroi me portierin e ri të talentuar Angelo Tafas. Xhika e humbi vendin e titullarit në sezonin 2021–22, duke koleksionuar vetëm shtatë ndeshje në kampionat. Ai u largua nga klubi gjatë verës së vitit 2022.[30]

Iliria

[Redakto | Redakto nëpërmjet kodit]

Më 6 qershor 2024, 35 vjeçari Xhika firmosi me Ilirinë në Kategorinë e Dytë.[31]

Statistikat e karrierës

[Redakto | Redakto nëpërmjet kodit]
Ndeshjet dhe golat sipas klubit, sezonit dhe kompeticionit
Klubi Sezoni Liga Kupa Evropa Tjetër Gjithsej
Divizioni Ndsh Gola Ndsh Gola Ndsh Gola Ndsh Gola Ndsh Gola
Partizani 2008–09 Kategoria Superiore 2 0 0 0 0 0 — 2 0
2009–10 Kategoria e Parë 5 0 1 0 — — 6 0
2010–11 0 0 0 0 — — 0 0
Gjithsej 7 0 1 0 — — 8 0
Besëlidhja 2010–11 Kategoria e Parë 1 0 0 0 — 1[a] 0 2 0
2011–12 28 2 0 0 — 1[a] 0 29 2
2012–13 27 0 1 0 — — 28 0
Gjithsej 56 2 1 0 — 2 0 59 2
Tërbuni 2013–14 Kategoria e Parë 28 0 0 0 — — 28 0
Gjithsej 28 0 0 0 — — 28 0
Partizani 2014–15 Kategoria Superiore 5 0 4 0 — — 9 0
2015–16 8 0 3 0 1[b] 0 — 12 0
2016–17 2 0 3 0 0 0 — 5 0
2017–18 3 0 3 0 0 0 — 6 0
2018–19 5 0 4 0 0 0 — 9 0
Gjithsej 23 0 17 0 1 0 — 41 0
Kukësi 2019–20 Kategoria Superiore 29 0 3 0 — 0 0 32 0
2020–21 18 0 1 0 1[b] 0 — 20 0
2021–22 7 0 4 0 — — 11 0
Gjithsej 54 0 8 0 1 0 0 0 63 0
Erzeni 2022–23 Kategoria Superiore 33 0 0 0 — 1[c] 0 34 0
2023–24 4 0 0 0 — — 4 0
Gjithsej 34 0 0 0 — 1 0 35 0
Gjithsej karriera 107 2 14 0 1 0 2 0 124 2
  1. ^ a b Ndeshje në fazën play-off për ngjitje në Kategorinë Superiore
  2. ^ a b Të gjitha ndeshjet në UEFA Ligën e Evropës
  3. ^ Ndeshje në fazën play-off për qëndrim në Kategorinë Superiore

Trofe

[Redakto | Redakto nëpërmjet kodit]
Partizani

Referime

[Redakto | Redakto nëpërmjet kodit]
  1. ^ Profili te Soccerway
  2. ^ Profili te Footballdatabase
  3. ^ "Portieri Dashamir Xhika rikthehet te "demat"". Arkivuar nga origjinali më 26 gusht 2014. Marrë më 6 dhjetor 2014.
  4. ^ Partizani Europa Leagye squad 2008-09
  5. ^ "Portier dhe goleador, Dashamir Xhika drejt rekordeve". Besëlidhja Lezhë. 13 mars 2012. Arkivuar nga origjinali më 14 nëntor 2017. Marrë më 25 prill 2016.
  6. ^ "Besëlidhja Lezhë vs. Ada Velipojë 1 – 0" (në anglisht). Soccerway. 4 dhjetor 2011. Marrë më 25 prill 2016.
  7. ^ "Besëlidhja Lezhë vs. Burreli 2 – 0" (në anglisht). Soccerway. 31 mars 2012. Marrë më 25 prill 2016.
  8. ^ Armand Halili (19 maj 2012). "Mbijeton Tomori, Besëlidhja në lot". Panorama Sport. Marrë më 25 prill 2016.
  9. ^ "Dinamo Tirana vs. Besëlidhja Lezhë 1 – 0" (në anglisht). Soccerway. 24 nëntor 2012. Marrë më 25 prill 2016.
  10. ^ Armand Halili (19 maj 2013). "Kategoria e dytë: Besëlidhja në një realitet të ri". Besëlidhja Lezhë. Marrë më 25 prill 2016.
  11. ^ Preng Gjikola (27 mars 2013). "Shpërthen portieri Xhika: Kjo, Besëlidhja më e dobët". Panorama Sport. Marrë më 25 prill 2016.
  12. ^ Erjon Hamitaj (29 gusht 2013). "Blerje "flash", portieri Xhika firmos me Tërbunin". Panorama Sport. Marrë më 25 prill 2016.
  13. ^ "Elbasani vs. Tërbuni Pukë 2 – 1" (në anglisht). Soccerway. 31 gusht 2013. Marrë më 25 prill 2016.
  14. ^ "Festë në Ballsh dhe në Pukë, Bylisi dhe Tërbuni ngjiten në Superiore". Panorama Sport. 16 maj 2014. Marrë më 25 prill 2016.
  15. ^ Ditmir Pema (13 nëntor 2013). "Garancia e Tërbunit nis nga portieri Xhika". Panorama Sport. Marrë më 25 prill 2016.
  16. ^ a b "Portieri Dashamir Xhika rikthehet te "demat"". Panorama Sport. 26 maj 2014. Marrë më 25 prill 2016.
  17. ^ "Skënderbeu mposht 3-0 Partizanin, Tirana likujdon Vllazninë dhe kap kreun". Ora Sport. 9 nëntor 2014. Arkivuar nga origjinali më 8 maj 2016. Marrë më 25 prill 2016.
  18. ^ "Iliria Fushë-Krujë vs. Partizani Tirana 0 – 3" (në anglisht). Soccerway. 1 tetor 2014. Marrë më 25 prill 2016.
  19. ^ "Apolonia Fier vs. Partizani Tirana 0 – 2" (në anglisht). Soccerway. 31 janar 2015. Marrë më 25 prill 2016.
  20. ^ Elvis Rexha (23 maj 2015). "Partizani në Europë pas 7 vitesh". SuperSport Albania. Arkivuar nga origjinali më 2016-10-06. Marrë më 25 prill 2016.
  21. ^ Adi Metaliu (2 korrik 2015). "Dështon Partizani, e pëson 3-1 me Stromsgodset". Supersport.al. Arkivuar nga origjinali më 6 tetor 2016. Marrë më 25 prill 2016.
  22. ^ "Partizani nuk ia del, mundet sërish nga Stromsgodset dhe eleminohet". Panorama Sport. 9 korrik 2015. Marrë më 10 korrik 2015.
  23. ^ Ergis Tafalla (1 nëntor 2015). "Partizani fiton në Durrës dhe konfirmohet lider". Telesport.al. Marrë më 1 nëntor 2015.
  24. ^ ""Mrekullia" e nëntë, Partizani si përbindësh, të kuqtë fituan 3-2 kundër Laçit". Panorama Sport. 8 nëntor 2015. Marrë më 1 nëntor 2015.
  25. ^ "Partizani mposht Kukësin në sekondat e fundit". CityNews.al. 25 prill 2016. Arkivuar nga origjinali më 25 prill 2016. Marrë më 26 prill 2016.
  26. ^ "Iuliano debuton me humbje, Laçi mund Partizanin me 10 vetë". Tirana Observer. 10 shtator 2017. Arkivuar nga origjinali më 10 shtator 2017. Marrë më 11 shtator 2017.
  27. ^ ""Jam rritur te ky klub", Xhika: Do vinte dita e titullit, shokët s'më lënë në baltë". Panorama Sport. 17 maj 2019. Marrë më 23 tetor 2024.
  28. ^ "Largohet pas 5 vitesh nga Partizani, ka akord me Kukësin". Sport Ekspres. 2 gusht 2019. Marrë më 26 prill 2020.
  29. ^ Adi Metaliu (6 gusht 2019). "Iku Nga Partizani, Portieri 30-Vjeçar Firmos Me Kukësin". Supersport.al. Marrë më 23 tetor 2024.
  30. ^ "Nuk kanë fund lamtumirat te Kukësi, zyrtarizohet edhe e portierit me mbrojtësin". Panorama Sport. 3 qershor 2019. Marrë më 23 tetor 2024.
  31. ^ "ZYRTARE/ Goditje "big" në merkato, klubi i Kategorisë së Dytë prezanton ish-portierin e Partizanit". Panorama Sport. 6 qershor 2024. Marrë më 10 tetor 2024.
Marrë nga "https://sq.wikipedia.org/w/index.php?title=Dashamir_Xhika&oldid=2714137"