Kulla e Abdullah Pashë Drenit
| Kulla e Abdullah Pashë Drenit | |
|---|---|
 | |
| Lloji | Arkitekturore |
| Vendndodhja | Gjakovë, Kosovë |
| Ndërtuar | Shek. XVIII |
| Emri zyrtar: Monument /Ansambël | |
| Lloji | Nën mbrojtje |
| Nr. i referencës | 784 |
Kulla e Abdullah Pashë Drenit është një monument i trashëgimisë kulturore në Gjakovë, Kosovë.[1] Ky monument është i kategorisë "Arkitekturor".[2]
Përmbledhje
[Redakto | Redakto nëpërmjet kodit]Kulla e Abdullah Drenit është një banesë trekatëshe në formë kulle prej tullash me frengji, që bën pjesë në selamllëkun e sarajeve të Abdullah pashë Drenit. Sot kati i parë nuk dallohet nga jashtë për shkak të ngritjës së nivelit të rrugës kryesore, e cila, nëpërmjet të urës së Islam beut, lidhë dy pjesët e qytetit. Pos vlerave arkitekturore ka edhe rëndësi historike, sepse në te u vra mareshali Mehmet Ali pasha, i cili kishte arritur në Gjakovë për dorëzimin Malit të Zi dhe Serbisë të atyre tokave shqiptare që ishin paraparë në Kongresin e Berlinit.[3]
Dega e Lidhjës Shqiptare në Gjakovë ftoi forcat e veta prej mbi 10 mijë luftëtarësh, që u vendosën nëpër shtëpitë e qytetit, i cili ishte shndërruar në kazermë ushtarake. Për ushqimin e tyre qytetarët hapën hambarët dhe koshat; mullinjtë e qytetit bluanin pa ndërpre për të siguruar miell, ndërsa furrtarët piqnin bukë pa u ndalur për luftëtarët e lirisë. Zejtarët armëtarë punonin natë e ditë për të siguruar armë dhe municion, ndërsa për sistemimin e të plagosurve u caktuan shtëpi të veçanta ku berberët dhe mjekët popullorë kujdesëshin për t’ua shpëtuar jetën të plagosurve.[4]
Pas bisedimesh të pasukseshme në sarajin e rrethuar të Abdullah pashë Drenit, kryetarit të Degës, prej 1-3 shtator 1878, filloi lufta që zgjati deri më 6 shtator, në të cilën u vranë, nga të rrethuarit, Mehmet Ali pasha, Abdullah pashë Dreni, Bajram agë Rrustemi etj. dhe ushtarë osmanë, ndërsa nga ana e Lidhjës 400 vullnetarë. Në këtë kullë është i vendosur Muzeu i Degës së Lidhjës Shqiptare në Gjakovë.[5]
Shih edhe
[Redakto | Redakto nëpërmjet kodit]Referime
[Redakto | Redakto nëpërmjet kodit]- ^ LISTA E TRASHËGIMISË KULTURORE PËR MBROJTJE TË PËRKOHSHME (PDF). Republika e Kosovës, Ministria e Kulturës, Rinisë dhe Sportit. Marrë më 17 gusht 2016.
- ^ https://kk.rks-gov.net/gjakova/wp-content/uploads/sites/2/2017/05/Gjakova-Guida-Turistike_opt.pdf
- ^ https://gjakovaportal.com/al/Detajet/kulla-dhe-shtepi-antike
- ^ https://kiesa.rks-gov.net/desk/inc/media/2984A73F-5002-4F32-8653-ACDB193C3FCE.pdf
- ^ https://www.petitfute.co.uk/v57386-gjakova/c1173-visites-points-d-interet/c937-monuments/c941-demeure-hotel-particulier/1566096-kula-abdullah-pacha-dreni.html
Lidhje të jashtme
[Redakto | Redakto nëpërmjet kodit]- Databaza e trashëgimisë kulturore të Kosovës Arkivuar 26 mars 2016 tek Wayback Machine
| Selia |  | |
|---|---|---|
| Dokumente | ||
| Kuvende | ||
| Këshilli | ||
| Pjesëmarrësit | Abdullah pashë Dreni • Abdyl Frashëri • Ahmet Korenica • Ahmet Delia • Ali Pashë Gucia • Ali Bej Tirana • Ali Ibër Nezaj • Binak Alia • Baca Kurti • Çelë Shabani • Çun Mula • Ded Gjo Luli • Filip Çeka Suma • Hasan pashë Tetova • Shaban bej Prizreni • Haxhi Zeka • Idriz Seferi • Iljaz pashë Çoku • Isa Boletini • Jakup Ferri • Jashar bej Shkupi • Kadri Bajri • Mal Dula • Mehmet Ali pashë Vrioni • Mehmet pashë Deralla • Mic Sokoli • Pashko Vasa • Riza Kryeziu • Sali Jaha • Sefë Kosharja • Smajl Martini Ivezaj • Sulejman Vokshi • Ymer efendi Prizreni • Zija Prishtina • Zhuj Selmani | |
| Betejat | ||
| Trashëgimia | ||