Vora ka në përberje të saj vetë qytetin e Vorës dhe fshatrat Gjokaj, Mucaj, Sharkë, Marqinet , Gërdec, Marikaj, dhe, Kuç. Me një sipërfaqe gati sa qyteti I Tiranës 41.9 km2 shtrihet në rajonin perëndimor të Shqipërisë, në fushën midis Lezhës, Durrësit, dhe Tiranës. Ka një pozitë gjeografike mjaft të favorshme pasi ndodhet në mes të rrugës Tiranë – Durrës rreth 16 km larg Tiranës, rreth 18 km larg Durrësit dhe 9 km larg nga Aeroporti i Rinasit. Mes për mes bashkisë Vorë kalon autostrada Tiranë - Durrës. Gjithashtu kalon edhe linja hkurudhore Tiranë - Vorë - Durrës dhe Vorë - Laç - Shkodër.Relievi në përgjithësi është I ulët. Ai përbëhet nga disa kodra që fillojnë nga Kepi i Rodanit (Durrës), përshkojnë zonën e Vorës dhe vazhdojnë në drejtim të Juglindjes. Në zonën e Vorës kodrat nuk i kalojnë 500 metra. Pjesa qëndrore ku kalon autostrada është zonë më e ulët (fushore) e përbërë kryesisht nga shkëmbinj sedimentarë.Duke qenë afër detit ndihet edhe ndikimi zbutës i tij. Vora si mjedis jetësor bën pjesë në zonën mesatare mjedis I veçantë mesdhetar dhe si kat bimor bën pjesë në katin e shkurreve mesdhetare. Zona jonë dallohet për klimë tipike mesdhetare që dallohet për: vera e nxehtë dhe e thatë ndërsa dimri i butë dh i lagësht. Por shpesh Vora është nën ndikimin e erërave Veri - Perëndimore. Disa nga përfaqësuesit kryesorë të botës bimore janë: shqopa, mareja, xina, gjineshtra, dëllinja, shelgu, frashëri dhe një botë bimore e zhvilluar si: hithrat, pulpra, thupra dhe barëra të ndryshme. Ndër kafshët e egra përmendim: lepuri, dhelpra, ujku dhe nuselala. Përveç këtyre zona e Vorë përmendet për llojet e ndryshme të kafshëve shtëpiake, drurë të kultivuar në shpatet e kodrave si: ulliri, vreshtat, pjeshka, kajsia, thana, kumbulla, shega dhe agrumet. Në zonën e Vorës duket shumë qartë ndryshimi i peisazheve natyrore në peisazhe njerëzore.
Shqipëria
