Georgia

Xhorxhia Georgia Shtet i SHBA-së Ndërtesa e Parlamentit të Xhorxhias      Vendodhja në SHBA Të dhëna kryesore Quhet ndryshe Peach State (Shteti i pjeshkave) Moto e shtetit Mençuri, Drejtësi, Përmbajtje Kryeqyteti Atlanta njëkohësisht qyteti më i madh Qeverisja Guvernator Nathan Deal Senatorë Saxby Chambliss Johnny Isakson Sipërfaqja Sipërfaqja 153.909 km2 Renditja në SHBA: i 24-ti Popullsia Popullsia 9.815.210 banorë Renditja në SHBA: i 8-i Dendësia 65,4 banorë/km2 Gjeografia Zona kohore Lindore: UTC-5/-4 Pika më e lartë Brasstown Bald 1458 m Pika më e ulët Oqeani Atlantik 0 m Anëtarësia në SHBA Anëtarësimi në SHBA 2 janar 1788 Renditja në SHBA: i 4-ti Të dhëna të tjera Faqja Zyrtare www.georgia.gov

Georgia (lexo: Xhorxhia) është një nga 50 shtetet e Shteteve të Bashkuara të Amerikës, shkurtesa postale e Georgia është GA. Kryeqyteti i Xhorxhias dhe qyteti më i madh është Atlanta. Xhorxhia ndodhet në juglindje të Shteteve të Bashkuara. Ajo është themeluar në 1732, kolonia e fundit nga trembëdhjetë kolonitë fillestare. E ka marrë emrin nga Mbreti George II i Britanisë së Madhe. Xhorxhia ishte shteti i katërt që ratifikoi Kushtetutën e Shteteve të Bashkuara, më 2 janar 1788. Ajo deklaroi shkëputjen e saj nga Bashkimi më 19 janar 1861, dhe ishte një nga shtatë shtetet origjinale të Konfederatës. Xhorxhia ishte shteti i fundit që iu rikthye Bashkimit, më 15 korrik 1870. Ajo njihet si Shteti i pjeshkave dhe Perandoria e Jugut.

Gjeorgjia kufizohet në jug nga Florida, në lindje nga Oqeani Atlantik dhe Karolina e Jugut, në perëndim nga Alabama dhe në veri nga Tenesi dhe Karolina e Veriut. Pjesa veriore e shtetit është në Malet Blue Ridge, një vargmal në sistemin e Maleve Apalashe. Pika më e lartë në Xhorxhia është Brasstown Bald (Brastaun Bold), 1.458m ndërsa pika më e ulët është Oqeani Atlantik.

Ekonomia

Prodhimi i Përgjithshëm Bruto (PPB) i Xhorxhias në vitin 2010 ishte 403 miliardë dollarë. Të ardhurat personale për frymë për vitin 2011 e vendosën atë të 39-ën në SHBA të me 35.979 dollarë. Nëse Xhorxhia do të ishte një shtet më vete, do të ishte ekonomia e 28 më e madhe në botë.

Janë 15 nga 500 kompanitë më të mëdha dhe 26 nga 1000 kompanitë më të mëdha që e kanë selinë qendrore në Xhorxhia, duke përfshirë edhe emra të tillë si Home Depot, UPS, Coca-Cola, Delta Air Lines, AFLAC, Southern Company, dhe Banka SunTrust. Aeroporti Ndërkombëtar Hartsfield-Jackson i Atlantës, është aeroporti më i ngarkuar në botë për nga trafiku i pasagjerëve dhe avionëve.

Atlanta ka një efekt të madh në shtetin e Xhorxhias dhe juglindjen e Shtetet e Bashkuara.

Turizmi bën një kontribut të rëndësishëm të ekonomisë.