Partia e Fortë
Partia e Fortë | |
|---|---|
 | |
| Udhëheqësi | Visar Arifaj |
| Themeluar | 21 qershor 2013 |
| Tretur | 8 maj 2019 |
| Selia | Prishtinë |
| Ideologjia | Ateizëm Fantazi Liri e informimit Politikë e piraterisë Pro-evropianizëm Satirë Utopianizëm teknologjik |
| Krahu politik | Krahu i majtë |
| Ngjyrat | E portokallta, E zeza |
| Faqja zyrtare | |
| http://www.partiaeforte.com/ | |
Partia e Fortë (PF) ishte një parti politike satirike në Kosovë, e formuar në vitin 2013.[1][2] Ajo e kishte për qëllim "Ardhjen në pushtet për kontrollin e parasë publike në interes të bashkëmendimtarëve dhe përkrahësve të vet".[3]
Si pjesë e përkushtimit të partisë ndaj barazisë gjinore, mbi 30% e kandidatëve në garë ishin meshkuj.[4] Partia kërkon ta ruaj status kuonë politike, duke e lavdëruar Kosovën si një shtet demokratik "ku votojnë jo vetëm të gjallët por edhe ata nga bota tjetër".[5] Udhëheqësit e partisë deklarojnë një fitore prej rreth 120%, sipas sondazheve të çuara nga partia.[6]
Partia e Fortë drejtohej nga Visar Arifaj, që u pagëzua me titullin "Kryetar Lexhendar", të shkruar me xh-në e gabuar qëllimisht, dhe aktivistë të tjerë nga Prishtina. Ajo është e vetmja parti politike që nuk ka pjesëtarë të rregullt, meqë të gjithë përkrahësit e saj konsiderohen kryetarë deputetë përkrah Kryetarit Lexhendar. Organizata e pavarur është e lidhur thelbësisht me kulturën e kafesë në kryeqytetin e Kosovës.
Historiku
[Redakto | Redakto nëpërmjet kodit]Partia u regjistrua zyrtarisht më 20 qershor 2013, mirëpo u formua në muajin nëntor 2012. Ajo u themelua nga një grup aktivistësh dhe artistëve si Yll Rugova, Visar Arifaj, Ilir Bajri, dhe Agon Hamza. Personat e lidhur me Partinë e Fortë si parti politike janë kyçur në rrengje të internetit dhe në protesta që kanë marrë vëmendje mediatike dhe publike. Paraqitja e parë e saj publike jashta Facebook-ut dhe Twitter-it ishte në 2013 në Klan Kosova.
Në zgjedhjet e para në tetor 2013, nga radhët e Partisë së Fortë u zgjodh të paktën një person në Kuvendin Komunal të Prishtinës.
Shih edhe
[Redakto | Redakto nëpërmjet kodit]Lidhje të jashtme
[Redakto | Redakto nëpërmjet kodit]- Partia e Fortë- faqja zyrtare
- Partia e Fortë në
- Partia e Fortë në X
Referime
[Redakto | Redakto nëpërmjet kodit]- ^ "New Party Takes Ironic Swipe at Kosovo". Balkan Insight (në anglisht). BIRN. 27 qershor 2013.
- ^ "Partia e Fortë tanimë zyrtare!". Kosovo 2.0. Arkivuar nga origjinali më 29 tetor 2013. Marrë më 28 tetor 2013.
- ^ "Partia e Fortë kushtëzon pjesëmarrjen në zgjedhje". Telegrafi. 5 shtator 2013. Arkivuar nga origjinali më 29 maj 2014.
- ^ "Partia e Fortë, gati listën zgjedhore për Prishtinë". Zëri. 3 shtator 2013. Arkivuar nga origjinali më 29 tetor 2013. Marrë më 28 tetor 2013.
- ^ Themelohet Partia e Fortë Arkivuar 2013-06-27 tek Wayback Machine, Zëri portal, 24 June 2013
- ^ "Arifaj: Unë do të jetoj sa të dojë populli". Bota Sot. 12 tetor 2013. Marrë më 28 tetor 2013.
