Abdullah ibn Abas

Nga Wikipedia, enciklopedia e lirë
Jump to navigation Jump to search
Kaligrafia e Ibën Abazit

Ibën Abasi ose Abdullah ibn `Abbas (arabisht: عبد الله بن عباس Abdullah ibn Abbas) ishte një djali i axhës së Pejgamberit (alejhi selam). Gëzonte nam për dituri, ishte dijetar i vyeshëm i umetit të Muhamedit (alejhi selam). Gëzonte nam për devotshmërinë që kishte, ai shpeshherë agjëronte ditën e rrinte zgjuar natën duke falur namaz dhe duke kërkuar falje nga Allahu i Madhërishëm që t'ia falte gabimet dhe në këtë gjendje e gjente agu i mëngjesit. Qante nga frikë-rrespekti ndaj Allahut gjersa lotët i shkonin nëpër faqe. Ky pra është Abdullah ibn Abbas, dijetar, njohës i Zotit dhe i ummetit të Muhammedit (alejhi selam), i cili më së miri e njihte Librin e Allahut dhe më së miri e zotëronte të komentuarit e tij. Më i afti për të depërtuar në kuptimin e thellë të tij. Njohës i objektivave dhe fshehtësive të tij.

Ibn Abbasi u lind tri vite para Hixhretit (shpërnguljes së myslimanëve nga Mekka në Medinë). Kur vdiç Muhammedi (alejhi selam), ai i kishte vetëm 13 vjet. Megjithatë ai ka mbajtur në mend 1660 hadithe, për t'ua treguar ato myslimanëve, të cilat i vërtetojnë Buhariu dhe Muslimi në sahihët e tyre (koleksionet e tyre).

Që në moshën 7 vjeçare filloi ta shoqëronte Muhammedin (alejhi selam) me një shoqërim të ngushtë sikur syri me syrin. Djaloshi ia përgatiste ujin për abdest kur ai (alejhi selam) e kishte ndërmend të merrte abdest, falej pas tij dhe ulej pas tij kur ai e kishte ndërmend të udhëtonte gjersa u bë sikur hija e trupit të tij (alejhi selam).


Ai rrëfen për veten dhe thotë:

I Dërguari i Allahut një ditë po përgatitej për namaz, unë ia përgatita ujin për abdest dhe ai (alejhi selam) u gëzua për këtë veprim timin...

Kur po bëhej gati për tu falur, më bëri me shenjë që të qëndrojë afër tij. Kur mbaroi të falurit, ai ma bëri me dorë dhe tha:

''Kush të pengoi që të jesh afër meje o rob i Allahut?'' E unë i thashë:

- Ti je më i madhëruar të të shikoj karshi dhe më i dashur sesa unë që të qëndrojë krah për krah me ty, o I Dërguar i Allahut! Në atë çast ai (alejhi selam) ngriti duart kah qielli dhe tha: '' O Zot, i dhuro urti këtij fëmije!''

Allahu iu përgjigj lutjes së të Dërguarit të Tij dhe i dhuroi djaloshit, e cila ia tejkaloi njerëzve më të urtë.