Ndeshja e futbollit Serbi-Shqipëri (2014)

Nga Wikipedia, enciklopedia e lirë
Jump to navigation Jump to search
Serbi - Shqipëri (2014)
Ngjarja Eliminatoret e UEFA Euro 2016
Ndeshja u ndërpre pas 42 minutash; Shqipëria fitoi në tavolinë me rezultatin 0-3.
Data 14 tetor 2014
Vendndodhja Stadiumi Partizan, Beograd
Gjyqtari Martin Atkinson (Flag of England.svg Angli)
Pjesëmarrja 25,200
Moti 24 °C (75 °F), i kthjellët

Ndeshja Serbi-Shqipëri ishte një ndeshje e vlefshme për Eliminatoret e Kampionatit Evropian të Futbollit 2016, e cila u zhvillua më 14 tetor 2014 në stadiumin e Partizanit në Beograd. Ndeshja u ndërpre pas hedhjes së flakadanëve dhe objekteve të tjera në fushë nga ana e tifozëve serbë. Në atë moment, në stadium futet një dron që mbante një flamur me simbole patriotike shqiptare. (Dy fotografi të Ismai Qemalit dhe Isa Boletinit, harta e Shqipërisë etnike me në qendër shqiponjën e Skënderbeut dhe mbishkrimi "Autochthonous".)[1][2]

Gjatë ndërprerjes së lojës, mbrojtësi serb Stefan Mitrović hidhet për të marrë flamurin. Menjëherë lojtarët shqiptarë shkojnë drejt tij për t'ia marrë atë dhe Bekim Balaj arrin ta rrëmbejë flamurin, duke e dërguar atë te gjyqtari i katërt. Kjo shkaktoi hyrjen e tifozëve serbë në fushë, të cilët filluan të godisnin futbollistët shqiptarë, të ndihmuar edhe nga kujdestarët e stadiumit.[3]

Më 24 tetor 2014, UEFA vendosi që ndeshja të fitohej nga Serbia me rezultatin 3-0. Gjithashtu vendosi që t'i heqë 3 pikë Serbisë, të detyrojë Serbinë të luajë 2 ndeshjet e ardhshme në shtëpi pa tifozë si dhe të dënojë të dyja federatat me nga 100.000 euro secilën.[4] Si Shqipëria, ashtu edhe Serbia e apeluan këtë vendim,[5][6] por apeli la në fuqi vendimin e parë.[7] Më pas, të dyja federatat e apeluan sërish atë në Gjykatën e Arbitrazhit Sportiv (CAS).[8] Me 10 korrik 2015 CAS vendosi të refuzojë apelimin e Serbisë, si dhe të pranojë pjesërisht apelimin e Shqipërisë duke i dhënë fitoren 0-3 Shqipërisë dhe duke lënë në fuqi vendimet e tjera të UEFA-s.[9] Një vendim i tillë e la Serbinë në vend të fundit me -2 pikë, duke i hequr çdo mundësi për tu kalifikuar në UEFA Euro 2016.

Situata përpara ndeshjes[redakto | përpunoni burim]

Situata përpara ndeshjes ka qenë mjaft e tensionuar. Për shkak të natyrës së kësaj ndeshjeje, rreth 3500 policë serbë ishin caktuar për tu kujdesur për sigurinë jashtë stadiumit.[10]

Edhe pse kjo ndeshje kishte rrezikshmëri të lartë, UEFA vendosi që këto dy skuadra të mos ndahen në grupe të ndryshme, pasi sipas asaj këto shtete kurrë nuk ishin përfshirë në një luftë kundër njëra-tjetrës[11] pavarësisht mosmarrëveshjeve mbi Kosovën. Gjithashtu UEFA theksoi se asnjëra nga federatat nuk kishte kërkuar që skuadrat e tyre të ndaheshin.[12]

UEFA, Federata Shqiptare e Futbollit, si dhe Federata Serbe e Futbollit kishin rënë dakord që ndeshja të luhej pa praninë e tifozëve shqiptarë.[13]

Situata në grup përpara ndeshjes[redakto | përpunoni burim]

Poz Skuadra Nd F B H GSH GP DG P
1 Flag of Danimarka Danimarka 2 1 1 0 3 2 +1 4
2 Flag of Shqipëria Shqipëria 2 1 1 0 2 1 +1 4
3 Flag of Serbia Serbia 1 0 1 0 1 1 0 1
4 Flag of Armenia Armenia 2 0 1 1 2 3 −1 1
5 Flag of Portugalia Portugalia 1 0 0 1 0 1 −1 0
Përditësuar më 14 tetor 2014. Burimi: UEFA

Detajet e ndeshjes[redakto | përpunoni burim]

2rightarrow (Nuvola colors).svg Shiko gjithashtu artikullin Eliminatoret e Kampionatit Evropian të Futbollit 2016 - Grupi I

14 tetor 2014
20:45
(20:45 UTC+2)
Serbia  0–3
Fituar në tavolinë
Flag of Shqipëria Shqipëria
Raporti
Stadiumi i Partizanit, Beograd
Pjesëmarrja: 25,200
Gjyqtari: Martin Atkinson (Angli)

Serbia
Shqipëria
PT 1 Vladimir Stojković
MB 5 Matija Nastasić
MB 6 Branislav Ivanović (c) Booked after 35 minutes 35'
MB 11 Aleksandar Kolarov
MB 13 Stefan Mitrović
MF 7 Zoran Tošić
MF 8 Nemanja Gudelj
MF 14 Nemanja Matić
MF 10 Dušan Tadić
SM 18 Danko Lazović
MF 19 Filip Djuričić
Trajner:
Flag of the Netherlands.svg Dick Advocaat
PT 1 Etrit Berisha
MF 2 Andi Lila
MB 4 Elseid Hysaj
MB 7 Ansi Agolli Booked after 34 minutes 34'
MB 15 Mërgim Mavraj
MF 3 Ermir Lenjani
MB 5 Lorik Cana (c)
MF 13 Burim Kukeli
MF 14 Taulant Xhaka
MF 22 Amir Abrashi
SM 19 Bekim Balaj
Trajner:
Flag of Italy.svg Gianni De Biasi

Ngjarjet gjatë ndeshjes[redakto | përpunoni burim]

Që përpara se të fillonte ndeshja, tifozët serbë bërtisnin "Vritini, vritini shqiptarët"[14] dhe gjatë ekzekutimit të himnit shqiptar, ata filluan të fërshëllenin, duke e bërë pothuajse të pamundur dëgjimin e tij.[15]

Gjatë fillimit të ndeshjet, tifozët serbë dogjën një flamur të NATOs.[16] Pas 15 minutash lojë, hidhet flakadani i parë në fushë. Rreth 10 minuta më vonë, tifozët serbë ngrenë një flamur grek. Dhjetë minuta përpara përfundimit të pjesës së parë, tifozët hedhin sërish një flakadan në drejtim të Ansi Agollit, i cili po gjuante një goditje nga këndi.[17] Objekte të tjera vazhdojnë të hidhen drejt tij si dhe drejt gjyqtarit anësor. Ndeshja ndërpritet përkohësisht dhe Lazovic dhe Kolarov përpiqen të qetësojnë tifozët. Pas 40 sekondash, loja rifillon. Në minutën e 40, një shishe hidhet në drejtim të Bekim Balajt dhe disa tifozë serbë përpiqen të hyjnë në fushë.[18]

Në minutën e 42, gjyqtari ndërpret sërish ndeshjen për shkak të hedhjes së flakadanëve në fushë nga ana e tifozëve serbë.[19] Ndërkohë që ndeshja ishte ndërprerë, një dron me një flamur të Shqipërisë etnike futet në stadium. Mbrojtësi serb Stefan Mitrović, hidhet dhe kap flamurin. Më pas, Andi Lila dhe Taulant Xhaka vrapojnë drejt tij, për t'i marrë flamurin, dhe në fund Bekim Balaj arrin ta marrë atë. Ndërkohë që Balaj po dërgonte flamurin te gjyqtari i katërt, një tifoz serb e godet atë me një stol në kokë. Lorik Cana, e hedh në tokë tifozin dhe fillon ta godasë. Më pas, situata përkeqësohet dhe në grindje përfshihen shumë lojtarë shqiptarë, serbë, tifozë dhe kujdestarë të stadiumit.[20] Huliganë serbë u futën në fushë duke goditur futbollistët shqiptarë me karrige dhe objekte të tjera, duke e detyruar gjyqtarin të drejtojë lojtarët shqiptarë për në dhomat e zhveshjes. Ndërkohë që ata futeshin në tunel, u goditën me objekte të ndryshme. Në fushë u vu re edhe prania e Ivan Bogdanov, edhe pse i dënuar për të mos u futur në stadiume, pas incidentit në Genova në ndeshjen Itali-Serbi.[21] Pas 30 minutash, loja ndërpritet përfundimisht, ndërkohë që futbollistët shqiptarë ishin të rënduar fizikisht dhe psikologjikisht.[20]

Përpara se skuadra shqiptare të largohej, policia serbe kontrolloi çantat e të gjithë personave të delegacionit të mbështetësve nga Shqipëria, në një përpjekje për të gjetur pultin e dronit, por pa sukses.[22][23]

Reagimet[redakto | përpunoni burim]

Pas ardhjes nga Beogradi, skuadra shqiptare u prit me duartrokitje dhe festime nga rreth 5000 tifozë shqiptarë në aeroportin e Rinasit.[24] Rreth 15.000 njerëz dolën për të festuar në orët e para të mëngjesit në sheshin "Nënë Tereza" në Tiranë.[25] Festime u organizuan gjithashtu edhe në Prishtinë,[26] Shkup,[27] Strugë,[28] dhe Kumanovë.[29]Tetovë, shqiptarët që festuan u gjobitën me 200 euro nga autoritetet maqedonase për shkak të zhurmës së krijuar.[29] Disa ditë më vonë, kombëtarja shqiptare dekorohet me medalje mirënjohjeje dhe nderi në Tiranë, Vlorë, Kamëz dhe Bajram Curri për mbrojtjen e simboleve kombëtare.[30]

Pala serbe u shpreh se ky ishte një provokim politik nga pala shqiptare dhe akuzuan vëllain e kryeministrit Edi Rama, Olsi Ramën si drejtuesin e dronit. Olsi Rama e hodhi menjëherë poshtë këtë akuzë.[31] Zyra e kryeministrit serb tha se Rama ishte arrestuar dhe më pas ishte dërguar në shtëpi në Shqipëri, ndërsa qeveria shqiptare e hodhi poshtë këtë pretendim.[32] Më vonë, Igli Tare deklaroi se ai kishte qenë me Olsi Ramën, dhe sipas Tares, Rama po mbante vetëm një kamer.[33]

Nga ana tjetër, presidenti i UEFAs, Michel Platini se ishte "thellësisht i trishtuar" nga ajo që ndodhi, duke shtuar: "Futbolli supozohet t'i bashkojë njerëzit dhe loja jonë nuk duhet të ngatërrohet me asnjë lloj politike. Skenat në Beograd natën e kaluar ishin të pafalshme." Presidenti i FIFAs, Sepp Blatter tha: "Futbolli nuk duhet përdorur kurrë për mesazhe politike. E dënoj ashpër atë që ndodhi natën e kaluar në Beograd."[34]

Ministri i jashtëm serb, Ivica Dačić tha se incidenti i flamurit ishte një "provokim politik" duke shtuar: "Pyetja kryesore për mua është se si do të reagojnë Bashkimi Evropian dhe UEFA, sepse nëse dikush nga Serbia do të kishte nxjerrë një flamur të Serbisë së Madhe në Tiranë apo Prishtinë, kjo do të ishte në axhendën e Këshillit të Sigurimit të OKB.[35] Më 16 tetor, ministri i brendshëm serb Nebojša Stefanović tha se policia po ekzaminonte dronin për të përcaktuar drejtuesin e tij si dhe vendin e blerjes.

Kryeministri serb Aleksandar Vučić tha se ai i kishte paralajmëruar përfaqësuesit e BE-së pesë herë përpara ndeshjes për një provokim të mundshëm të zyrtarëve shqiptarë gjatë lojës, duke theksuar se disa nga zyrtarët kishin vënë shaje të UÇK-së, duke thënë se "ishte e qartë se kishin ardhur me një qëllim të pastër për të provokuar pritësit".[36]

Edi Rama u përgjigj: "Serbia Normale do jetë realitet veç kur Serbia Reale do kuptojë se Shqiperia e Madhe eshte makthi i tyre jo projekti ynë".[37]

Agim Cana, babai i Lorik Canës deklaroi se sjellja e tifozëve serbë ishte raciste dhe fashiste.[38]

Incidentet[redakto | përpunoni burim]

Në Serbi[redakto | përpunoni burim]

Në Serbi, pas ndeshjes, disa dyqane buke dhe ushqimesh në pronësi të shqiptarëve u dogjën në Sambor dhe Stara Pazova, dhe në një rast u përdor edhe një bombë.[39]

Në Mal të Zi[redakto | përpunoni burim]

Ambasada shqiptare në Podgoricë u sulmua me gurë duke shkaktuar thyerjen e dritareve. Ambasadorit të Malit të Zi në Tiranë, iu dërgua një notë proteste lidhur me incidentin në fjalë.[40]

Shqiptarët në Mal të Zi festuan në Ulqin, Plavë dhe Tuz. Disa grindje midis shqiptarëve dhe malazezëve u regjistruan pranë Podgoricës dhe katër studentë u dërguan në spital.[41]

Në jug të Shqipërisë[redakto | përpunoni burim]

Në Shqipëri, sapo mbaroi ndeshja, një grup nacionalistësh shqiptarë sulmuan shtëpi, dogjën makina dhe shkatërruan fasada dyqanesh në fshatin e banuar nga grekët Derviçan në jug të Gjirokastrës. Aktiviteti i tyre u ndalua me ndërhyrjen e policisë. Ambasada greke kërkoi që autorët e këtyre akteve të çoheshin në gjyq.[42] Ministria e Jashtme e Shqipërisë tha se "reagimi i shpejtë dhe efiçent i policisë bëri të mundur identifikimin e personave përgjegjës".[43]

Në Austri[redakto | përpunoni burim]

Pas ndeshjes, rreth 50 shqiptarë hodhën shishe drejt një kafeneje serbe në Vienë. Disa makina, duke përfshirë edhe makina policie, u dëmtuan.[44]

Vendimet[redakto | përpunoni burim]

Vendimet e UEFAs[redakto | përpunoni burim]

Ditën pas ndeshjes, UEFA nisi procedimin disiplinor ndaj Federates Shqiptare të Futbollit dhe Federatës Serbe të Futbollit.[45] Serbia akuzohej për hedhje të fishekzjarreve dhe flakadanëve në fushë, shqetësim nga turmat, hyrje në fushë të tifozëve dhe përdorimin e lazerave. Shqipëria u akuzua për refuzim për të luajtur dhe shfaqjen e një flamuri të paligjshëm.

Më 24 tetor 2014, UEFA vendos fitoren në tavolinë për Serbinë me rezultatin 3-0. Gjithashtu Serbisë i hiqen 3 pikë dhe detyrohet të luajë dy ndeshjet e ardhshme në fushën e saj pa tifozë. Të dyja federatat u gjobitën me nga 100.000 euro. Vendimi u apelua si nga Shqipëria, ashtu edhe nga Serbia,[5][6] por UEFA la përsëri në fuqi vendimin e mëparshëm.[7]

Reagimet mbi vendimet e UEFAs[redakto | përpunoni burim]

  • Sulmuesi shqiptar Bekim Balaj që u godit me stol në kokë nga një tifoz serb, postoi në faqen e tij në Facebook një koment ironik ndaj Platinisë dhe UEFAs: "Më fal Platini për stolin që desh e theva me kokë, bravo UEFA".[46]
  • Presidenti i FSHF Armando Duka deklaroi: "Jam i zhgënjyer sepse ne po pretendonim se do të kishte një vendim juridik të drejtë nga UEFA. Nuk e di se çfarë precedenti mund të krijojë ky vendim kur një skuaduar godet lojtarët kundërshtarë dhe merr 3 pikë. Nuk e di nëse ka ndonjë skandal më të madh se ky." Ai deklaroi se do ta apelonte vendimin.[47]
  • Trajneri shqiptar Gianni de Biasi deklaroi në media se vendimi ishte skandaloz, ndërsa kapiteni i Shqipërisë Lorik Cana tha se vendimi ishte tërësisht i padrejtë, pasi gjyqtari nuk i kishte kërkuar kurrë Shqipërisë të rikthehej në fushë, por vetëm i kishte pyetur ata nëse ishin në gjendje të luanin sërish.[48] Presidenti i Federatës Kosovare të Futbollit Fadil Vokrri e quajti konsideroi gjithashtu vendimin skandaloz.[49] Ish-futbollisti Sokol Kushta tha se UEFA kishte bërë një gabim të pafalshëm me vendimin dhe shtoi se "në një shtëpi publike nuk ka vajza të mira".[50]
  • Kryeministri shqiptar Edi Rama deklaroi se UEFA nuk dha drejtësi, megjithatë ai premtoi se do ta mirëpriste Serbinë në stadiumin e rinovuar të Shkodrës, Loro Boriçi.[51]
  • Më 25 tetor 2014, në NionZvicrës, disa mbështetë shqiptarë organizuan një protestë përpara zyrave qendrore të UEFAs kundër vendimit.[52] Protesta të tjera u organizuan në Tiranë,[53] Prishtinë, Podgoricë dhe Tetovë.[54]
  • Disa media të huaja e kritikuan gjithashtu vendimin e UEFAs për t'i dhënë fitoren në tavolinë Serbisë pas dhunës së ushtruar nga e tifozëve serbë, pavarësisht se Serbisë iu hoqën 3 pikë.
  • Ardit Gjebrea bëri thirrje për bojkot të produkteve serbe në dyqanet shqiptare.[55]

Vendimi i CAS[redakto | përpunoni burim]

Të dyja federatat ishin të pakënaqur me vendimin e UEFAs dhe e apeluan atë në Gjykatën e Arbitrazhit Sportiv (CAS).[8] Me 10 korrik 2015, CAS refuzon apelimin e Serbisë dhe pranon pjesërisht atë të Shqipërisë, duke i dhënë fitoren 0-3 në tavolinë Shqipërisë. CAS e arsyetoi këtë vendim duke thënë se nuk ka patur ndonjë urdhër të qartë nga ana e gjyqtarit për të rifilluar lojën dhe prandaj konsideron Serbinë dhe jo Shqipërinë përgjegjëse për mosvazhdimin e ndeshjes.[9]

Reagimet mbi vendimin e CAS[redakto | përpunoni burim]

  • Lorik Cana u shpreh se drejtësia triumfoi dhe se kombëtarja shqiptare ishte shumë pranë kualifikimit pas këtij vendimi.[56]
  • Gianni De Biasi deklaroi se ishte shumë i kënaqur me vendimin.[57]
  • Pas vendimit të CAS, Edi Rama shkruan në faqen e tij në Twitter: “Supeeeer! Ja ç'dmth drejtesi europiane! 3 pike per Kombetaren Kuqezi ne Beograd!!! #ForcaShqiperia”.[58]
  • Kryeministri serb Vuçiç, duke iu përgjigjur Edi Ramës deklaroi se "drejtësia europiane u shndërrua në një padrejtësi botërore".[59]
  • Kryetari i Kuvendit Ilir Meta uroi kombëtaren për 3 pikët e marra: "E uroj ekipin kombëtar dhe të gjithë shqiptarët kudo ku janë për vendosjen e drejtësisë dhe triumfin e sportit. Uroj në mënyrë të veçantë familjarët e futbollistëve, të cilët përjetuan me ankth momentet e dhunës në atë ndeshje. Uroj dhe shqiptaro-italianin Gianni De Biasi"[60]
  • Federata Serbe e Futbollit e quajti vendimin e CAS, një "vendim politik".[61]

Referimet[redakto | përpunoni burim]

  1. ^ "Qualifier in Serbia abandoned because of drone carrying Albanian flag". ESPNFC.com. 14 tetor 2014. 
  2. ^ Ames, Nick; Ibrulj, Saša (14 tetor 2014). "Serbia v Albania abandoned after players and fans brawl on pitch". The Guardian. Marrë më 14 tetor 2014. 
  3. ^ "Four Albania players were said to be injured after Euro 2016 qualifier was abandoned following mass brawl". 
  4. ^ "Disciplinary decision on Serbia-Albania match". UEFA.com. 24 October 2014. Marrë më 27 tetor 2014. 
  5. ^ a b AFP (24 tetor 2014). "Albania to appeal UEFA punishment over Serbia". Business Insider. Marrë më 26 tetor 2014. 
  6. ^ a b "Serbia to appeal UEFA decision". Goal.com. 24 tetor 2014. 
  7. ^ a b "Decisions upheld for Serbia-Albania match". UEFA.com. 2 dhjetor 2014. 
  8. ^ a b "The football associations of Albania and Serbia file appeals at the Court of Arbitration for Sport (CAS)" (PDF). http://www.tas-cas.org. Court of Arbitration for Sport. Marrë më 8 janar 2015.  Lidhje e jashtme në |website= (ndihmë) Gabim referencash: Invalid <ref> tag; name "CASappeal" defined multiple times with different content
  9. ^ a b "FOOTBALL: The CAS rejects the appeal filed by the Serbian FA, upholds in part the appeal filed by the Albanian FA: the match Serbia-Albania is deemed to have been forfeited by Serbia (0-3)". Tribunal Arbitral du Sport / Court of Arbitration for Sport. 10 korrik 2015. Marrë më 10 korrik 2015. 
  10. ^ "Gjendje lufte! 3500 policë për Serbi-Shqipëri". PORTALB. 14 tetor 2014. 
  11. ^ "UEFA chief on why Serbia and Albania wound up in same group". 
  12. ^ "UEFA defends decision not to keep Serbia and Albania apart after brawl". 
  13. ^ Likmeta, Besar (14 October 2014). "Albania Fans Barred from Belgrade Football Match". Marrë më 23 October 2014. 
  14. ^ Ibrulj, Sasa (15 October 2014). "Serbia vs Albania: The inside story of Balkan football's latest defeat to political violence". Marrë më 23 tetor 2014. 
  15. ^ Ames, Nick (15 tetor 2014). "Serbia-Albania brawl impossible to believe". Marrë më 23 tetor 2014. 
  16. ^ Payne, Marissa (14 tetor 2014). "Drone toting pro-Albanian flag causes riots that end Albania vs. Serbia Euro 2016 qualifier early". Washington Post. Marrë më 24 tetor 2014. 
  17. ^ "Drone in campo: Serbia-Albania sospesa per rissa" (në Italian). Il Piccolo. 15 tetor 2014. Marrë më 1 November 2014. 
  18. ^ Gargini, Marco (16 October 2014). "CALCIO – Serbia-Albania, colpa dell'Uefa". Toscana News. Marrë më 24 tetor 2014. 
  19. ^ Ames, Nick (15 tetor 2014). "Reflecting on the chaos of Serbia vs. Albania in Belgrade" (ESPN). ESPN. Marrë më 22 tetor 2014. 
  20. ^ a b Mackey, Robert (14 October 2014). "Soccer Match in Serbia Erupts in Riot Set Off by Drone". New York Times. Marrë më 23 October 2014. 
  21. ^ Vladimir Novakovic (16 tetor 2014). "There was a familiar face in Serbia v Albania riot – but why was he there?". The Guardian. 
  22. ^ Jones, Simon (15 October 2014). "Albania players had their bags searched by Serbian police for remote control of drone... and players 'feared for their lives'". Dailymail. Marrë më 23 October 2014. 
  23. ^ T. J. (15 October 2014). "Spark meets tinderbox". The Economist. Marrë më 26 October 2014. 
  24. ^ Bota Sot (15 tetor 2014). "Pritje madhështore e kombëtares kuq e zi në Rinas". Bota Sot. Marrë më 26 tetor 2014. 
  25. ^ Agolli, Ilirjan (15 tetor 2014). "Festime në Tiranë pas kthimit të ekipit të futbollit nga Beogradi". Zeri i Amerikes. Marrë më 26 tetor 2014. 
  26. ^ Anadolu Agency (15 tetor 2014). "Pas ndeshjes Serbi – Shqipëri festë e madhe në Prishtinë". Anadolu Agency. Marrë më 26 October 2014. 
  27. ^ Anadolu Agency (15 tetor 2014). "Maqedoni, ndeshja Serbi – Shqipëri ndiqet në sheshin "Skenderbe"". Anadolu Agency. Marrë më 26 October 2014. 
  28. ^ Drini (15 October 2014). "Struga e "kalli" si kurrë më parë për kombëtaren shqiptare". Drini. Arkivuar nga origjinali më 26 tetor 2014. Marrë më 26 October 2014.  Një parametër i panjohur |url-status= është injoruar (ndihmë)
  29. ^ a b Alsat M (15 October 2014). "Ndeshja Serbi-Shqipëri, pushtoi zemrat e shqiptarëve gjithandej". Alsat M. Arkivuar nga origjinali më 26 tetor 2014. Marrë më 26 October 2014.  Një parametër i panjohur |url-status= është injoruar (ndihmë)
  30. ^ Gazeta Tema (23 tetor 2014). "Folklorizmi shkon deri ne ekstrem". Arkivuar nga origjinali më 25 tetor 2014. Marrë më 25 tetor 2014.  Një parametër i panjohur |url-status= është injoruar (ndihmë)
  31. ^ The Associated Press (25 tetor 2014). "Serbia accuses Albania of provocation after drone brawl during Euro Championship qualifier". Associated Press. Marrë më 26 October 2014. 
  32. ^ "This page has been removed - News - The Guardian". the Guardian. Marrë më 16 June 2015. 
  33. ^ BalkanWeb (15 October 2014). "Igli Tare: Isha me Olsi Ramën në stadium, flamuri në fushë nuk ishte ideja e tij". BalkanWeb. Arkivuar nga origjinali më 17 tetor 2014. Marrë më 26 October 2014.  Një parametër i panjohur |url-status= është injoruar (ndihmë)
  34. ^ AFP (15 tetor 2014). "Platini calls Serbia-Albania clash 'inexcusable'". AFP. Marrë më 26 tetor 2014. 
  35. ^ "Serbia-Albania match abandoned following drone stunt, brawl". 
  36. ^ "PM: Gravest political provocation, possibly because of Putin". Arkivuar nga origjinali më 25 tetor 2014. Marrë më 10 gusht 2015.  Një parametër i panjohur |url-status= është injoruar (ndihmë)
  37. ^ "Rama: Serbi normale, kur ta kuptojnë që "Shqipëria e Madhe" është vetëm një makth i tyre". Lajmi.net. 17 tetor 2014. 
  38. ^ Rilindja Demokratike (18 October 2014). "Flet babai i Canës: Serbët bënë sjellje raciste dhe fashiste". Rilindja Demokratike. Arkivuar nga origjinali më 26 tetor 2014. Marrë më 26 October 2014.  Një parametër i panjohur |url-status= është injoruar (ndihmë)
  39. ^ Nationalism gaining Strength in Serbia and Albania.DW
  40. ^ Albeu (15 October 2014). "Podgoricë, goditet me gurë ambasada shqiptare. Tirana notë proteste Malit të Zi". Ora News. Arkivuar nga origjinali më 17 tetor 2014. Marrë më 25 October 2014.  Një parametër i panjohur |url-status= është injoruar (ndihmë)
  41. ^ "Ndeshja Serbi-Shqipëri, përleshje mes studentëve në Mal të Zi". Bota Sot. Marrë më 16 June 2015. 
  42. ^ "Greek Demarche to Albania over Terrorism of Greek Village". Proto Thema. 
  43. ^ Greek ambassador denounced an incident taken place in a minority area in Albania Independent Balkan News Agency.
  44. ^ "Skandalmatch Serbien gegen Albanien führte zu Wiener Polizeigroßeinsatz". der Standard. 
  45. ^ "Proceedings opened against Serbia and Albania". UEFA.com. 15 October 2014. 
  46. ^ S E. "Balaj ironizon Platininë: Më fal për stolin që desh e theva me kokë, bravo UEFA!". SportEkspres.com. Marrë më 16 qershor 2015. 
  47. ^ Payne2, Marisa (24 tetor 2014). "UEFA awards Serbia a win over Albania in abandoned Euro 2016 qualifier, but deducts points for bad behavior". Washington Post. Marrë më 26 October 2014. 
  48. ^ Halilaj, Jetmir (24 October 2014). "Cana: Gjyqtari nuk na urdhëroi për të riluajtur. De Biazi: Sa absurde, lanë duart si Ponc Pilati". Panorama-Sport. Marrë më 24 October 2014. 
  49. ^ Panorama (24 October 2014). "Fadil Vokrri: Ky është një vendim skandaloz". Panorama. Arkivuar nga origjinali më 26 tetor 2014. Marrë më 24 October 2014.  Një parametër i panjohur |url-status= është injoruar (ndihmë)
  50. ^ Panorama (24 October 2014). "Sokol Kushta: UEFA, gabimi i pafalshem". Panorama. Arkivuar nga origjinali më 26 tetor 2014. Marrë më 26 October 2014.  Një parametër i panjohur |url-status= është injoruar (ndihmë)
  51. ^ Panorama (24 tetor 2014). "Edi Rama: UEFA nuk dha drejtësi, Serbinë e presim në "Loro Boricin" 20 mijë vendesh". Arkivuar nga origjinali më 24 tetor 2014. Marrë më 24 tetor 2014.  Një parametër i panjohur |url-status= është injoruar (ndihmë)
  52. ^ Panorama (24 October 2014). "Nyon i Zvicrës, shqiptarët protestojnë para selisë së UEFA-s". Panorama. Arkivuar nga origjinali më 26 tetor 2014. Marrë më 26 October 2014.  Një parametër i panjohur |url-status= është injoruar (ndihmë)
  53. ^ Albeu (25 tetor 2014). "Protestë në Tiranë: UEFA, mos e kruaj me shqiptarët!". Albeu. Marrë më 26 tetor 2014. 
  54. ^ GazetaExpress (25 October 2014). "Mbyllet protesta, Platini përfundon në bërllok". GazetaExpress. Marrë më 26 October 2014. 
  55. ^ Gazeta LAJM (25 tetor 2014). "Ardit Gjebrea: Mos bleni prodhime serbe!". Gazeta LAJM. Arkivuar nga origjinali më 26 tetor 2014. Marrë më 26 tetor 2014.  Një parametër i panjohur |url-status= është injoruar (ndihmë)
  56. ^ "Lorik Cana për Top Channel: Triumfoi drejtësia, tani të shkojmë në Francë". Top Channel. 10 korrik 2015. 
  57. ^ "De Biasi: I lumtur për vendimi e CAS". TV Klan. 10 korrik 2015. 
  58. ^ "Gëzohet Edi Rama: Ja ç'dmth drejtesi europiane!". Bota Sot. 10 korrik 2015. 
  59. ^ "Vendimi i CAS, Vuçiç: Drejtësia europiane u shndërrua në një padrejtësi botërore". Top Channel. 10 korrik 2015. 
  60. ^ "Edi Rama: Ja ç' domethënë drejtësi europiane!". PortAlb. 10 korrik 2015. 
  61. ^ "Reagon Federata Serbe e Futbollit: Vendim i CAS-it është politik". Shqiptarja.com. 10 korrik 2015.  line feed character është te |title= në vend të 35 (ndihmë)