Guri i Gjeranave

Nga Wikipedia, enciklopedia e lirë
Jump to navigation Jump to search

Guri i Gjeranave është një ishull i vogël që gjendet 2,2 milja në juglindje të kepit të Gjeranave dhe një milje nga toka më e afërt, gjëgjsisht nga Plazhi i Madh. Këtë lokalitet zhytësit e quajnë vendin e amforave të fundosura, detarët varrezë e anijeve, ndërsa peshkatarët habitat të guacave dhe të shumë llojeve të çmueshme të peshkut (siç janë llojet: dental, kocë, levrek, peshk guri, etj.). Detarët e anijeve me vela thonë që duhet pasur shumë kujdes gjatë lundrimit tek Guri i Gjeranave dhe cekëtina Ceke, në jugperëndim nga ky shkëmb. Sepse, akvatoriumi është në tërësi i ekspozuar të gjithë erërave dhe valëve të detit të hapur. Guri i Gjeranave nga shekulli 16 deri tek shekulli 18, piratëve të Ulqinit i ka shërbyer si vend i përshtatshëm nga ku janë nisur në sulm në anijet të cilat kalonin në këtë pjesë të Adriatikut jugor.