Prelezi i Muhaxherëve

Prelezi i Muhaxherëve
Prelezi i Muhaxherëve
Fshat
Popullsia
• Total	1.500
Targat	05

Prelezi i Muhaxherëve (serbisht: Muhadžer Prelez / Мухаџер Прелез) është një fshat në komunën e Ferizajt, në Kosovë.

Gjeografia

Prelezi i Muhaxherëve ndodhet në pjesën jugore të Kosovës, rreth 5 kilometra në jug të qytetit të Ferizajt, pergjatë rrugës magjistrale Ferizaj-Prishtinë. Fshati gjendet në koordinatat 42.434° V dhe 21.167° L, në një lartësi prej 565–584 metrash mbi nivelin e detit. Vendbanimet më të afërta janë Surqina, Babushi dhe Prelezi i Jerlive.

Fshati Prelez i Muhaxherëve konsiderohet si fshati kryesor i 7 fshatrave të tjerë, duke pasur parasysh pozitën gjeografike si qendër dhe udhëkryq. Fshatrat që lidhen me të janë: Prelezi i Jerlive, Papazi, Mirashi, Cërnilla, Surqina, Bablaku dhe Tërna.

Demografia

Sipas regjistrimit të popullsisë së vitit 2011, i publikuar nga Agjencia e Statistikave të Kosovës, fshati (i regjistruar si Muhadžer Prelez) kishte 982 banorë. Burime lokale përmendin një popullsi më të lartë, rreth 1,500 banorë. E gjithë popullsia në këtë fsaht është shqiptare etnike.

Historia

Gjatë luftës së Kosovës (1998–1999), pas spastrimit etnik, forcat serbe përdorën zonën për vendosjen e mjeteve të blinduara dhe ushtrisë. Një tank i shkatërruar nga bombardimet e NATO-s mbeti në fshat dhe sot konsiderohet si monument i hapur, duke kujtuar spastrimin etnik të kohës nga kjo tanke, dhe me pasë e qliruar nga NATO.

Nga ky fshat vjen dhe çdo vitë përkujtohet një dëshmor, Liman Rekaj, i rënë në Betejën e Koshares, gjatë thyerjen e kufirit Kosovë–Shqipëri në vitin 1999.

Ekonomia dhe jeta shoqërore

Banorët e Prelezit merren kryesisht me ndërmarësi, bujqësi, blegtori dhe aktivitete të tregtare. Në fshat ndodhen një xhami dhe një shkollë fillore me mbi 180 nxënës.

Fshati është i njohur për aktivitetet kulturore dhe sportive, si organizimi i paradasë me kuaj me rastin e Ditës së Pavarësisë së Kosovës. Turneu tradicional i futbollit të vogël, në nder të dëshmorit Liman Rekaj, aktivitete të cilat tërheqin çdo vit ekipe, lojtarë, entuziastë dhe tifozë nga Kosova, Maqedonia dhe Shqipëria.

Administrata vendore

Fshati ka një kryetar dhe 6 këshilla lokalë që përfaqësojnë interesat e banorëve. Mbledhjet zhvillohen në sallën e fshatit, ku diskutohen vendime dhe nisma të ndryshme. Fshati ka gjithashtu një faqe publike në rrjetin social Facebook, ku publikohen informata për aktivitetet komunitare dhe punët vullnetare.

Problemet dhe sfidat

Në korrik të vitit 2018, reshje të dendura shiu shkaktuan përmbytje në fshat, duke dëmtuar infrastrukturën rrugore dhe automjetet. Klima e fshatit është e tipit kontinental të butë, me dimra të ftohtë dhe vera të ngrohta.

Shih edhe

Referenca

Agjencia e Statistikave të Kosovës, Regjistrimi i Popullsisë 2011.
“Muhadžer Prelez”, Wikipedia në frëngjisht.
Mindat.org – të dhënat gjeografike për Prelez i Muhaxherëve.
Telegrafi.com – “Banorët e Prelezit të Muhaxherëve organizojnë paradë me kuaj”.
Indeksonline.net – raport për përmbytjet në vitin 2018.

Lidhje të jashtme

vendndodhja

Komuna e Ferizajt

Qyteti Ferizaj dhe fshatrat:

Ky artikull rreth një vendbanimi të Kosovës është i cunguar. Ju mund të ndihmoni Wikipedian duke e zgjeruar atë.