Zelengradi (Nestrami)

Zelengrad Μεσόβραχον
Fshat
Emri i banorëve	Zelengradar

Zelengrad (greqisht: Μεσόβραχον/Mesóvrakhon) është fshat në qarkun e Kosturit, Greqi. Përpara vitit 1927, fshati është njohur me emrin e vjetër në formën greke Ζέλεγκραδ/Zélegkrad.

Gjeografia

Nga veriu Zelengradi kufizohet me Revanin, nga jugu me Umockën, nga lindja me Gërlenin dhe nga perëndimi me Kalevishtin. Para vitit 1923, Zelengradi kishte këto lagje: Mëhalla e Kaçaunëve (të ardhur nga Volja, fshat në jug të Zelengradit, voljarë), Mëhalla e Bejkollarëve, Mëhalla e Përtejme dhe Mëhalla e Përkëtejme.

Toponimet të fshatit Zelengrad:(Para vitit 1923)

• Alevicë/a e Zelengradit - mal, në J.
• Ara e Ases – arë, në P.
• Ara e Madhe - arë, në P.
• Ara e Vogël - arë, në V.
• Bredh i Zatorisë - bredh, në J. Tregojnë se në kohën e pushtimit osman, Ali Bejkollari nga ky fshat preu një degë nga ky bredh. Është për këtë arsye që atij i plasi njëri sy, nga që bredhi ish i shënjtë, pra i paprekshëm. Thonë gjithashtu se nën këtë bredh hedhin valle zërat.
• Bregu i Shytkës – breg, në P.
• Curculigë/a – ara në mal, në J.
• Curilë/a – burim, në J.
• Çernek/u - bregore, kullotë, ne L.
• Çuka e Lartë - kodër e lartë, në J.
• Grihat - gur i cili përdoret për griha për të mprehur spata etj., në J.
• Grop’ e Kozmait - arë, në J.
• Gur i Bardhë - shkëmb në mal, në J.
• Kalaja - kodër e lartë ku ndodhen gërmadhat e një kalaje të vjetër, në L.
• Kori/a/ja – pyll, në P.
• Koria e Ismetit – arë, në P.
• Kroi i Athinës – krua, në J.
• Kroi i Gurit – krua.
• Kroi i Hoxhës – krua, në J.
• Kroi i Luadhit (Omockës) – krua, në J.
• Kroi i Mirë – krua, në J.
• Kroi i Oranëve – krua, në L.
• Kryjzet - ara kodrinore, në V.
• Loho - shpellë, në shkëmb, në J.
• Lum i Fshatit - përrua që zbret nga mali dhe kalon mes fshatit.
• Malet e Eçmenëve – male, në J.
• Mulliri i Banes.
• Mulliri i Icos - mulli që e ka pasë ndërtuar Icua nga Nestrami.
• Mulliri i Muços – mulli, në J.
• Përroi i Sathës - greminë, në J.
• Qershia - arë ku ndodhet dhe një qershi pranë saj, në L.
• Sten e Stamos – në P.
• Uji Kadiut - ujë i ftohtë që buron. Aty thonë se ka vdekur një kadi nga që piu ujë të ftohtë prej këtij, në J.
• Varkamen/i – shkëmb, në L.
• Varret e Babçorrit - varre, në V.
• Varret e Udhës Gërlenit – varre, në L.
• Varret e Xhamisë - varre përreth godinës së xhamisë, në P.
• Varr i Sylejmanit - varr mbi rrugë i rrethuar me mur. Sylejmani është vrarë nga bandat greke në kohën e luftës ballkanike, në J.
• Visoko/ua - në J.
• Xhamia - xhami e fshatit, në P.

Demografia

Familjet në fshatin Zelengrad:(Para vitit 1923)

Bejkollarë, Kërlellarë, Kiçollarë, Lamçurët, Sinançe/llarët, Voljarët.

Lidhje të jashtme

• vendndodhja