Universiteti i Prizrenit

Universiteti i Prizrenit është universiteti i dytë publik në Kosovë, Prizren dhe i cilësuar si universitet ndërkombëtar që pranon studentë perveç nga Kosova edhe nga vendet e rajonit.

Historiku

Historiku i arsimit të lartë në Prizren

Shkolla e Lartë Pedagogjike “Xhevdet Doda” në Prizren, si institucion i pavarur, u themelua me Vendimin e KP të KAKM më 7 dhjetor 1962, kurse punën e filloi më 16 shkurt 1963 me Vendimin e Pleqësisë së Arsimit e të Kulturës të miratuar më 31 janar 1963. Në vitin shkollor 1962/63 u hapën 4 degë të reja mësimi: Dega e Gjuhës dhe e Letërsisë Angleze, Dega e Matematikës me Fizikën, Dega e Gjuhës dhe e Letërsisë Turke, Dega e Gjuhës dhe e Letërsisë Ruse. Në vitin shkollor 1965/66 hapet Dega Kimi-Fizikë, kurse gjatë vitit shkollor 1969/70 hapen edhe dy degë të reja mësimore: Fizikë me Matematikë dhe Kimi me Matematikë. Në vitin shkollor 1975/76 ndërpritet puna në degët mësimore: Gjuhë dhe Letërsi Ruse dhe Kimi me Matematikë. Nga vitit shkollor 1978/79 hapet Dega e Mësimit Klasor, kurse prej vitit shkollor 1985/86 vendoset të suprimohet Dega Fizikë me Matematikë. Në vitin shkollor 1962/63 kanë diplomuar dy studentë shqiptarë. Deri më 30.09.2004 në Shkollën e Lartë Pedagogjike të Prizrenit diplomuan gjithsej 2477 studentë me mësim në gjuhën shqipe. Në vitin 2001 Senati i Universitetit të Prishtinës miratoi planet mësimore të mbështetura në Deklaratën e Bolonjës për nivelin Baçelor. Pas themelimit të Fakultetit të Edukimit, nga viti shkollor 2002/2003, nuk regjistrohen studentë në programet e SHLP-së, fillimisht vetëm në Degën e Mësimit Klasor, ndërsa më vonë edhe në programet e tjera. Në vitin akademik 2004/2005, në Shkollën e Lartë Pedagogjike të Prizrenit ligjëratat i përcjellin 436 studentë, të regjistruar më herët, ndërsa në procesin mësimor qenë angazhuar 9 mësimdhënës dhe asistentë në marrëdhënie të rregullt pune dhe 16 në punë plotësuese dhe të anagazhuar. Që nga dhjetori i vitit 2004 personeli administrativ- teknik dhe studentët sipas programit të SHLP-ës integrohen në Fakultetin e Edukimit.

Themelimi i Universitetit të Prizrenit

Universiteti Publik i Prizrenit “Ukshin Hoti” në Prizren (UPZ) ka nisur punën në vitin 2010 pas vendimit të Qeverisë së Kosovës për themelim. Selia e Universiteti është në Prizren, njëri nga qytetet më të lashta të Kosovës. UPZ është Universiteti i dytë publik në Kosovë. Në vitin 2010 numri i studentëve ishte afër 1700, ndërsa në vitin 2015, numri i studentëve ishte rreth 10000 studentë. Universiteti është i akredituar nga viti 2010.

Misioni dhe vizioni

Misioni

Për të ofruar edukim dhe arsimim cilesor, hulumtues dhe inovativ në mënyrë që të prodhojmë liderët në fushën e Teknologjisë, Ekonomisë, Juridikut, Edukimit dhe Filologjisë etj, të cilët do t'i përshtaten nevojave të një bote dinamike.

Vizioni

Universiteti i Prizrenit është universiteti i zgjedhur për shumicën e studentëve të Republikës së Kosovës dhe një Universitet i zgjedhur për të gjithë studentët që kërkojnë mundësi të jashtëzakonshme arsimore. Universiteti i Prizrenit sunon që të jetë një universitet që ofron mundësi hulumtuse për rritjen e cilësisë së jetës, jo vetëm për të gjithë kosovarët, por edhe për dhënien e kontributit intelektual edhe nëpër botë.

Fakultetet

Fakulteti Ekonomik

Shiko gjithashtu artikullin Fakulteti Ekonomik i Universitetit të Prizrenit

Drejtimet:

1. Administrim Biznesi
2. Menaxhment Ndërkombëtar

Fakulteti Juridik

Shiko gjithashtu artikullin Fakulteti Juridik i Universitetit të Prizrenit

Nivelet:

1. Bachelor
2. Master

Fakulteti i Shkencave kompjuterike

Shiko gjithashtu artikullin Fakulteti i Shkencave Kompjuterike i Universitetit të Prizrenit

Drejtimet:

1. Dizajn i Softuerit dhe
2. Teknologji e Informacionit dhe Telekomunikimit;

Fakulteti i Edukimit

Shiko gjithashtu artikullin Fakulteti i Edukimit i Universitetit të Prizrenit

Programet:

1. Gjuhë dhe letërsi shqipe
2. Gjuhë dhe letërsi angleze
3. Programi parafillor (parashkollor)
   1. Gjuhë shqipe
   2. Gjuhë boshnjake
   3. Gjuhë turke
4. Programi fillor
   1. Gjuhë shqipe
   2. Gjuhë boshnjake
   3. Gjuhë turke

Fakulteti i Filologjisë

Shiko gjithashtu artikullin Fakulteti i Filologjisë i Universitetit të Prizrenit

1. Gjuhë dhe Letërsi Shqipe
2. Gjuhë Angleze
3. Gjuhë Gjermane

Fakulteti i Shkencave të Jetës dhe Mjedisit

Shiko gjithashtu artikullin Fakulteti i Shkencave të Jetës dhe Mjedisit i Universitetit të Prizrenit

Programet:

1. Agrobiznes
2. Shkencat e Pyjeve dhe Mjedisit.

Nivelet e studimit

1. Bachelor
2. Master
3. Doktoraturës - Ph.D. (Planifikohen të organizohen në të ardhmen)

Kampusi universitar

Universiteti i Prizrenit është i angazhuar për të mbështetur të gjithë studentët e tij. Zyra e shërbimeve studentore mbikëqyr shumë prej ngjarjeve si janë: shërbimet, programet dhe iniciativat që zhvillohen në Universitetin e Prizrenit.

Bashkëpunimi ndëruniversitar

• Universiteti i Tuzllës

Shih edhe

• Prizreni
• Universiteti i Prishtinës

Lidhje të jashtme

• Universiteti i Prizrenit (Faqe zyrtare), Vizituar më 10.12.2016.