Kush e solli Doruntinën (roman)

Nga Wikipedia, enciklopedia e lirë
Shko te: navigacion, kërko
Kush e solli Doruntinën (Roman).jpg

Kush e solli Doruntinën është një roman i shkruar nga Ismail Kadare në fund të viteve 70ta dhe i botuar për herë të parë në vitin 1980 në përmbledhjen me titull "Gjakftohtësia". Romani bazohet mbi baladën e Konstantinit dhe Doruntinës. [1] Romani është futur në sistemin shkollor në Francë, në nivelin e ulët.[2]

Legjenda[redakto | redakto tekstin burimor]

Sipas legjendës, Konstantini e bind nënën që ta martojë motrën e tij Doruntinën me një njeri prej një vendi të largët, i cili po i kërkonte dorën. Konstantini i jep besën nënës se nëse atë e merrte malli për të bijën atëherë ai vetë do të shkonte e do t'ia sillte. Nëna pranon dhe e marton Doruntinën me burrin nga vendi i largët. Por ndërkohë vdesin të gjithë vëllezërit, përfshirë dhe Konstantinin dhe nëna mbetet e vetme. Atë e merr malli për Doruntinën dhe mërzitet shumë. Shkon te varri i Konstantinit dhe e mallkon të birin që kishte shkelur besën. Në mesnatë Konstantini ngritet nga varri, shkon e merr motrën dhe ia sjell nënës te dera. Për vete kthehet në varr ndërsa Doruntina troket në derë pa e ditur se i vëllai kishte vdekur. Kur hapet dera, nëna e pyet atë se kush e solli, e ajo i thotë Konstantini. Nëna i tregon se Konstantini bashkë me vëllezërit e tjerë kishin vdekur shumë kohë më parë.

Romani i Kadaresë[redakto | redakto tekstin burimor]

Fillon atë natë kur Doruntina kthehet në shtëpi. Personazhi kryesor, kapiten Stresi përpiqet të zbulojë kush e ka sjellë në të vërtetë Doruntinën në shtëpi, sepse nuk i besohet që Konstantini është ngritur prej varri për ta mbajtur besën.

Shih edhe[redakto | redakto tekstin burimor]


  1. ^ Elsie, Robert. "The Ballad of Constantine and Dhoqina". Robert Elsie: Albanian Literature. Marrë më 18 September 2017. 
  2. ^ Isufaj, Viola. "Bisedë me Kadarenë: Doruntina në kolegjet franceze". Marrë më 18 September 2017.