Jump to content

Komuna e Zhelinës

Nga Wikipedia, enciklopedia e lirë
Komuna e Zhelinës
Komunë Rurale
Flamuri i Komuna e Zhelinës
Flamuri
Stema Komuna e Zhelinës
Stema
Location of Komuna e Zhelinës
Shteti Maqedonia e Veriut
Rajoni Pollog
Vendodhja e KomunësZhelinë
Qeveria
 • MayorBlerim Sejdiu
Sipërfaqja
 • Gjithsej201,04 km2 (7,762 sq mi)
Lartësia mbidetare
755 m (2,477 ft)
Popullsia
 (2002)
 • Gjithsej18.988
 • Dendësia000.094/km2 (00.024/sq mi)
Zona kohoreUTC+1 (CET)
{{{postal_code_type}}}
1226
Prefiksi044
TargatTE
Faqja zyrtareOfficial Website

Zhelina (maqedonisht: About this soundЖелино (help·info), është një komunë në pjesën veriperëndimore të Maqedonisë së Veriut. Zhelina është gjithashtu emri i fshatit ku gjendet selia e komunës. Kjo komunë është pjesë e Rajonit Statistikor të Pollogut

Gjeografia

[Redakto | Redakto nëpërmjet kodit]

Komuna kufizohet me Komunën e Jegunovcit në veri, Qytetin e Shkupit në lindje, Komunën e Tetovës në veriperëndim, Komunën e Brvenicës në perëndim, Komuna Sopishtit në juglindje dhe Komunën e Brodit në jug.

Demografia

[Redakto | Redakto nëpërmjet kodit]

Sipas regjistrimit të vitit 2002 në Komunën e Zhelinës jetojnë 24 390 banorë.[1]

Përmledhje

[Redakto | Redakto nëpërmjet kodit]

Fshati Zhelinë shtrihet në anën e djathtë të rrugës kryesore Tetovë-Shkup. Prej Tetovës gjendet 8 Km ndërsa prej Shkupit 35 km larg. Fshati numëron mbi 700 shtëpi kurse numri i banorëve është përmbi 5 mijë. Lartësia mbidetare është 450 m, gjerësia gjeografike 41° 58’, gjatësia gjeografike 21° 3’. Sipërfaqja e sinorit është 19,9 kilometra katrorë, sipërfaqja agrare 1495 ha, pyje 648 ha, tokë punuese 603 ha, kullota 224 ha.

Në Zhelinë jetojnë këto familje si : Skonde, Beshë, Grace, Çajanë, Matranç, Muhaxher (të ardhur nga Ana e Moravës) si dhe të tjerë.

Mirëpo edhe nga Zhelina ka pasur shpërngulje nëpër qytete si dhe në Anadoll nga arsye më të ndryshmet.

Për Zhelinën ekziston edhe sinonimi „Ura e nuseve“ e cila urë është ndër më të vjetrat në këto troje ku thuhet se daton që nga sundimi romak mirëpo ka edhe data të tjera të dokumentuara për këtë urë sikur është viti 1539 i cili merret edhe si fillimi i ndërtimit të urës.

Poeti arsimtarë këtij objekti i ka kushtuar edhe një përmbledhje me poezi e titulluar „Ura e nuseve“. Emërtimet e disa vendeve në këtë fshat për male, fusha dhe kodra etj : Fojniku – livadhet dhe stanet, Zabeli ku ka drunj apo edhe burim uji, Ballshor – lokalitet antik, Kroi i kishës, Loma e Ballëkit, Erebimë (erë + bimë), gjuri i kuq, gjuri shqipes, gravanec, kroi i madh, kroi i vogël dhe shumë emërtime tjera.

Zhelina daton prej mesjetës së hershme e që në historiografi na paraqitet në vitin 1337-1346 ku përmendet kisha e Shën Mërisë së Tetovës në vitin 1343. Ndërsa sipas disa dëshmive osmane në vitin 1453 ka pasur 34 familje, më 1468 ka pasur 60 familje.

Në anën e djathtë të rrjedhës së lumit Vardar më saktësisht afër 500 metra në veriperëndim të pozitës së tashme të fshatit është zbuluar një lokalitet antik në tërthoret e të cilit përmendet se ka ekzistuar një vendbanim qysh në kohën e re të gurit, pra 6000 deri 4000 vjet para kohës së re në vendin e quajtur BALLSHOR. Gjatë lëvrimit të arave janë zbuluar eksponate enësh të dheut në formë të rrumbullakët dhe konusore, të modeluara në mënyrë të thjeshtë, me dorë të lirë, madje janë gjetur gurë nga qeramika për vegje pëlhurash, copa të vogla me tehe të mprehta thikash prej stralli, tokë e djegur, eshtra shtazësh dhe sende tjera të imta stolisjeje si dhe shumë gjëra tjera.

Në vendin ku është xhamia e vjetër (sot e re) e cila është ndërtuar në shekullin XVII, më parë thuhet se aty diku ka qenë kisha e fisit Penest të ilirëve që njihen si banues të kohës së mëhershme. Sipas gjurmëve të zbuluara deri tash mund të përfundojmë se në këto vise jeta ka gjallëruar e sidomos rëzë Sharit e më pak në anën e Malit Thatë.

Bashkësia vendore për kryetarë ka Hamdi Latifin me 15 këshilltarë, Zhelina ka dy këshilltarë komunalë, në pjesën perëndimore të fshatit gjendet sh. f. „Luigj Gurakuqi“ ku mësimin e ndjekin 643 nxënës, në fshatë janë dy xhami, e para është ndërtuar në shekullin e XVII (sot mbi te është ngritur një xhami e re) ku imam është Idriz Huseini dhe e dyta që gjendet në qendër të fshatit është ndërtuar në vitin 1988 ku imam është Mesut Islami. Po ashtu në fshat aktiv është edhe klubi futbollistik „Liria“ si dhe shoqëria kulturore artistike „Rinia“.

Edhe Cafe Bar Ura është te u ber historike ne zhelin ngat ures se vjeter nga koha Osmane (xhelal).

Zhelina ka postë e cila i shërben fshatarët dhe popullatën përreth, ambulancë shëndetsore shtetërore si dhe disa private, ka mbi 50 ndërmarrje.[2]

Vendbanimet

[Redakto | Redakto nëpërmjet kodit]

Komuna e Zhelinës i përfshin këto vendbanime :

Komuna e Zhelinës

Selia: Zhelina dhe vendbanimet: Cerova | Çifliku | Dobërca | Grupçini | Kapazhdolli | Llërca | Leshnica e Epërme | Leshnica e Poshtme | Lukovica | Merova | Novosella | Pallatica | Rogli | Sallareva | Strimnica | Treboshi | Uzurmishti

 


Shiko edhe

[Redakto | Redakto nëpërmjet kodit]

Referime

[Redakto | Redakto nëpërmjet kodit]
  1. ^ 2002 census results in English and Macedonian (PDF)
  2. ^ "Kopje e arkivuar". Arkivuar nga origjinali më 5 gusht 2018. Marrë më 15 korrik 2020. {{cite web}}: Mungon ose është bosh parametri |language= (Ndihmë!)Mirëmbajtja CS1: Archived copy si titull (lidhja)
Marrë nga "https://sq.wikipedia.org/w/index.php?title=Komuna_e_Zhelinës&oldid=2629993"