Gaqo Çako

Nga Wikipedia, enciklopedia e lirë

Gaqo Çako (Korçë, 24 janar 1935 - Tiranë, 1 gusht 2018) ishte një këngëtar shqiptar. Mban titullin Artist i Popullit.

Jetëshkrimi[Redakto | Redakto nëpërmjet kodit]

Tenori Gaqo Çako, Artist i Popullit, është i rreshtuar në emrat e mëdhenj të panteonit të muzikës shqiptare, të përfaqësuar edhe nga Ramiz Kovaçi, Mentor Xhemali, etj. Midis viteve 1957 dhe 1961 ai studioi në konservatorin “Çajkovski” të Moskës nën drejtimin e pedagoges Anna Soloviova. Pas kthimit në Shqipëri më 1961 ai u emërua tenor i përhershëm i Teatrit të Operës dhe Baletit të Tiranës, ku këndoi shumë nga rolet e para të repertorit operistik, duke u bërë kështu tenori kryesor për tri dekada me radhë. Përvoja dhe karriera e tij mjaft e pasur në operat "Traviata", "Bohema", "Rigoleto", "Norma", etj, si dhe operat shqiptare “Mrika” e Prenk Jakovës, “Lulja e kujtimit” e Kristo Konos, “Pranvera” e Tish Daisë, “Heroina” e Vangjo Novës, “Skënderbeu” i Prenk Jakovës e “Skënderbeu” i Abdulla Grimcit, “Komisari” i Nikolla Zoraqit, “Zgjimi” i Tonin Harapit, “Toka e jonë” e Pjetër Gacit, etj, e bëjnë atë me një karrierë të shkëlqyer. Mjaft i njohur edhe në skenat italiane, ku ai ka mbaruar konservatorin e Santa Cecillias. Zëri i tij është kthyer në objekt kënaqësie kudo që ai dëgjohej e shfaqej, në opera, në televizion, në radio, në salla të mëdha a të vogla koncertesh. Përfshirja e tij në të gjitha llojet e muzikës vokale ka pasur si qëllim të vetëm t’i kënaqë dëgjuesit me pjesët që ai këndon. Edhe pse vlerën më të madhe ai e pati në interpretimet e roleve operistike, ai u popullarizua nëpërmjet këngës, veçanërisht atyre të Festivaleve të Radios.[1][2]

Referime[Redakto | Redakto nëpërmjet kodit]

  1. ^ TV Klan (1 gusht 2018). "Ndahet nga jeta artisti i mirënjohur Gaqo Çako". Marrë më 2 gusht 2018.
  2. ^ Ruci, Klara (2 gusht 2018). "Farewell to Albanian great tenor Gaqo Çako". Radio Tirana International. Arkivuar nga origjinali më 3 gusht 2018. Marrë më 2 gusht 2018. {{cite news}}: Mungon ose është bosh parametri |language= (Ndihmë!)