Sado Koshena

Nga Wikipedia, enciklopedia e lirë
Jump to navigation Jump to search
Sado Koshena - Bust.jpg

Sado Koshena ishte një luftëtare shqiptare, Heroinë e Popullit e dalluar për ndihmen e dhënë në Luftën e Vlorës.[1]

Jeta[redakto | redakto tekstin burimor]

Sado Koshena lindi në Dukat të Vlorës më 1855, ku edhe kaloi tërë jetën e sajë të bukur. Atdhetare, pjesëmarrëse me armë në dorë në luftë për çlirimin e vendit dhe mbrojtjen e tij nga shovinistet grekë dhe pushtuesit italianë. Thuhet se më 1907, së bashku me burrat ka qëndruar kundër xhandarëve turq. Me thirrjen e Qeverisë së Vlorës në dhjetor 1912, Sado Koshena së bashku me të dy djemtë e saj luftoi në Llogora kundër forcave greke që kishin zbarkuar në Himarë dhe që me ndihmën e disa tradhtareve vendas synonin zgjerimin e zonës së pushtimit dhe rrëzimin e Qeverisë së Vlorës. Në verën e vitit 1920, ashtu si Rubi Hosi, gruaja e dëshmorit Toto Hosi dhe Hanko Mete nga Bolena edhe Sado Koshena u radhit vullnetarisht përkrah burrave të fshatit dhe djemëve të sajë në luftë për çlirimin e vendit nga pushtuesi Italian. U dallua në guximin, trimërinë në përpjekjen e Qafës së Përrallit, afër Dukatit dhe në luftime të tjera duke u dhënë zëmër luftëtarëve të lirisë.

Sado Koshena vdiq në Dukat të Vlorës më 1955. Është shpallur Heroinë e Popullit.

Referenca[redakto | redakto tekstin burimor]

  1. ^ Muin Çami. Kujtime dhe këngë popullore për luftën çlirimtare të viteve 1918-1920. Universiteti Shtetëror i Tiranës. f. 143.