Vasil Laçi

Nga Wikipedia, enciklopedia e lirë
Jump to navigation Jump to search
Vasil Laçi
Fotoporteti
Emri Vasil
Mbiemri Laçi
Lindur më 1922
Lindur në Piqeras, Shqipëri
Vdiq më 26 Maj 1941
Kombësia shqiptare
Shtetësia shqiptare
Mirënjohje
Dëshmor, Një përpjekje për të vrarë në 1941 Viktor Emanueli III, Mbret i Italisë dhe Shefqet Bej Vërlaci, atëherë Kryeministër i Shqipërisë.

Vasil Laçi (1922 - 26 maj 1941, Hero i Popullit Shqiptar), ishte patriot shqiptar i cili u përpoq të vrasë mbretin e Italisë dhe uzurpatorin e fronit të Shqipërisë Viktor Emanueli III dhe Shefqet Bej Vërlacin, Kryeministër i Shqipërisë, pas pushtimit të Shqipërisë nga Italia fashiste.

Rinia[Redakto | Redakto nëpërmjet kodit]

Vasil Laçi u lind në fshatin PiqerasShqipërinë jugore, afër qytetit të Sarandës në vitin 1922. Fëmijërinë e kaloi në Piqeras, ku mësoi shkollën fillore lokale. Në 1939 ai u transferua në Tiranë, kryeqyteti i Shqipërisë, pasi u ftua për të punuar atje. [2] Në Tiranë ai zhvilloi marrëdhënie me grupet patriotike, dhe ka ndihmuar disa nga anëtarët e tyre të shpëtuar nga trupat italiane dhe policia.

Atentati kundër Viktor Emanuelit III[Redakto | Redakto nëpërmjet kodit]

Bust i Vasil Laçit nga Kristaq Rama

Viktor Emanueli III kishte planifikuar një vizitë në Shqipëri që prej 12 prillit 1941 dhe një muaj më pas e kreu këtë vizitë, pasi u sigurua nga policia fashiste italiane e Tiranës se ishin marrë të gjitha masat e sigurisë. Laçi merr vesh për vizitën e Viktor Emanuelit në Shqipëri pesëmbëdhjetë ditë para ardhjes së tij, më 2 maj, 1941. Më pas, arriti të gjejë një punë në International Hotel, ku Viktor Emanueli do të qëndrojë, dhe te marrë hua një pistoletë M1915 Beretta nga Pëllumb Koka, një tjetër patriot shqiptar. Më 17 maj, 1941, 19-vjeçari Vasil Laçi i veshur me një kostum kombëtar shqiptar ka shtirë mbi makinën e cila transportonte Viktor Emanueli III dhe Shefqet Bej Vërlacin, Kryeministër i Shqipërisë i shoqëruar nga ministrat e qeverisë. Ai qëlloi katër herë në drejtim të tyre, por pa mundur të vrasë vërtetë perandorin.

Pas atentatit[Redakto | Redakto nëpërmjet kodit]

Laçi u arrestua menjëherë dhe u ekzekutua me varje dhjetë ditë më vonë. Për të parandaluar zemërimin e njerëzve dhe shtyrjen e tyre në kryengritje të mundshme, qeveria fashiste italiane ia atribuoi sulmin e tij çështjeve ekonomike, se gjoja e kishte me Shefqet Bej Vërlacin.

Dekorata[Redakto | Redakto nëpërmjet kodit]

Ai ishte një nga njerëzit e parë që do t’i jepet pas vdekjes nga ana e qeverisë komuniste shqiptare titulli Hero i Popullit të Shqipërisë.

Në art[Redakto | Redakto nëpërmjet kodit]

Përpjekja e tij për vrasjen e perandorit së pari u dramatizua si një libër dhe më vonë si një film i prodhuar në 1980, i titulluar Plumba Perandorit. Në nderim të veprës së tij, në Tiranë është ngritur një monument i krijuar nga skulptori Kristaq Rama.

Referime[Redakto | Redakto nëpërmjet kodit]

Gazeta Shqip - [1]