Mujo Ulqinaku

Nga Wikipedia, enciklopedia e lirë
Jump to navigation Jump to search
Mujo Ulqinaku
Mujo Ulqinaku.jpg
Lindi më 1896
Vendlindja Ulqin, Mali i Zi
Vdiq më 7 prill 1939
Vendvdekja Durrës, Shqiperi
Emër tjetër Mujo Cakuli
Kombësia shqiptare
Çmime Hero i Popullit

Mujo Ulqinaku (i lindur Mujo Cakuli; 1896 - 7 prill 1939) ishte oficer shqiptar i Ushtrisë Mbretërore Shqiptare, i njohur për rezistencën e tij më 7 prill 1939 ndaj forcave italiane gjatë pushtimit italian të Shqipërisë, ku ra dëshmor dhe pas vdekjes u emërua Hero i Popullit.

Jeta[redakto | redakto tekstin burimor]

Lindi më 1896 në Ulqin në një familje të vjetër qytetare ulqinake, të cilët ishin detarë dhe pronarë velanijesh. Që në moshë të vogël hyri muço (ndihmës detar) në Ulqin dhe më vonë punoi si detar në Shkodër e në Lezhë. Mujo është shpërngulur në Shkodër, pasi nuk mundi të jetonte nën pushtuesin malazez. Si nënoficer në një nënrepart të marinësDurrës, ditën e agresionit fashist italian kundër Shqipërisë u vu menjëherë në krye të detarëve të braktisur nga oficerët tradhtarë dhe organizoi me ta e me vullnetarë të tjerë qëndresën e armatosur në portin e Durrësit. Mujo Ulqinaku luftoi me trimëri e guxim të rrallë, duke vrarë e plagosur dhjetëra fashistë.[1] Ra në luftim të pabarabartë në mbrojtje të atdheut më 7 prill 1939 duke u bërë shembull i lartë patriotizmi e atdhedashurie.[2]

Trashëgimia[redakto | redakto tekstin burimor]

Pas luftës, Mujo Ulqinakut i kushtohet busti i vendosur pranë kullës së kalasë së Durrësit. Emrin e tij e mbajnë një shkollë në Durrës, një rrugë në Tiranë e një në Fier, dhe që nga viti 2005 me vendimin e Kuvendit Komunal një rrugë në Ulqin mbart emrin e tij, në vend të emrit Ivan Millutinoviq,[3][4] si dhe një rrugë në Prishtinë.[5] Në vitin 1979 në Kinostudion Shqipëria e Re u filmua dokumentari Lufton Mujo Ulqinaku, i cili flet për mbrojtjen e tij të Durrësit. Emrin e tij e mbajtën edhe disa anije.

Shiko dhe[redakto | redakto tekstin burimor]

Referencat[redakto | redakto tekstin burimor]

  1. ^ Kore, Blerim. "Kur mbreti italian Viktor Emanueli, vizitonte Gjirokastren". Koha Jone (në Albanian). Koha Jone. Marrë më 2 September 2010. 
  2. ^ Zeqo, Mojkom. Mujo Ulqinaku (në Albanian). Tirana, Albania: 8 nëntori Pub. House. 
  3. ^ "Ulice u sluzbi nacionalizma". dan.co.me. Dan online. Marrë më 30. 9. 2013.  Shiko vlerat e datave në: |accessdate= (ndihmë)
  4. ^ Rikthehet kontestimi i emrave të rrugëve dhe shesheve të Ulqinitvisit-ulcinj.com
  5. ^ "ДП "Комплекс хотела Трепча" у Митровици, списак радника који су стекли право на део прихода оствареног приватизацијом ДП "Комплекс хотале Трепча" у Митровици" (PDF). kta-kosovo.org. Косово Траст Ејџнси. Marrë më 30. 9. 2013.  Shiko vlerat e datave në: |accessdate= (ndihmë)

Lidhje të jashtme[redakto | redakto tekstin burimor]