Shëmriza

Shëmrizë Σεμερίζα
Fshat
Emri i banorëve	Shëmrizjot

Shëmrizë (greqisht: Σεμερίζα/Semeríza ose Σενμερίξα/Senmeríza) është fshat në qarkun i Çamërisë, Greqi.

Gjeografia

Nga veriu Shëmrizë kufizohet me Vratilën, nga jugu me Kolishtatin, nga lindja me Skupicën e Njihorin dhe nga perëndimin me Dramësin. Fshati Shëmrizë e merr emrin nga shënjtori Shën Mëria dhe pas kohës së gjatë, emri i fshatit është shkurtuar prej formës Shën Mëria në Shëmrizë.

Toponimet të fshatit Shëmrizë:(Para Luftës së Dytë Botërore)

• Ar’ e Glatë - arë e ullinj, në V.
• Ar’ e Gumës - vend gropë e pyll me skafa, në V.
• Ar’ e Korbit - arë, në V.
• Ar’ e Muharremit – arë, në V.
• Ar’ e Mullirit – arë, në V.
• Ar’ e Vakëfit – arë, në V.
• Arat’ Muhtarenje (Arat e Muftarenje) – ara, në V.
• Bir’ e Arës Kroit - birë e madhe, në P.
• Birthi - kodër që është e rrafshët në krye dhe që ka ara e pemë frutore, në L.
• Bokrrimat (Bokërrimat) – bokërrima, në V.
• Bregu i Gjinit – breg, në P.
• Bregu i Birthit – breg, në JL.
• Bregu i Lëmit - breg, në L.
• Bregu i Vreshtave – breg, në L.
• Bretaréja – arë, në J.
• Bunë/a - baçë me ullinj, në L.
• Burim i Gurëve - burim me ujë të ftohtë, në VP.
• Burim i Vulistrave – burim, në L.
• Cjepurri – arë, në L.
• Çep i Klizës Gravës – arë, në V.
• Çezm e Rripave – arë, në P.
• Çubari – arë, në V.
• Dërgura – vend guror dhe bira, në V.
• Drras’ e Çarë - dërrasë guri e madhe e çarë në mes, në J.
• Drras’ e Kolishtatit - pyll me një sterrë brenda tij, në L.
• Drras’ e Lushit – shesh, në L.
• Drras’ e Sipërme - hajsomér, vend i shtruar me gurë, në L.
• Dhahna - faqe kodre me ullinj, në L.
• Faq’ e Badhrave (Faqe e Badhrrave) - faqe mali me lisa, në V.
• Faq’ e Gjerë (Faqa e Gjërë) - faqe mali, në L.
• Faq’ e Mirthit (Faqa e Mirthit) - faqe mali, në JL.
• Folej’ e Pulbardhës – shkëmb ku kishte ndërtuar folenë pulbardha, në L.
• Folej’ e Stravatoit - shkëmb, në L.
• Fundi i Bokërrimave – bokërrima pranë një përroi, në V.
• Golnica - mal i madh me lisa, në VL.
• Gonica - faqe mali me lisa, në VL.
• Gorric’ e Migladhesë - faqe mali, në V.
• Gorric’ e Petiladhit - gorricë e madhe në mal, në V.
• Grav’ e Madhe - shpellë, në VL.
• Grav’ e Shëmrizës – shpellë, në VP.
• Grav’ e Vogël – shpellë, në VL.
• Gropa - vend gropë me ullinj, në L.
• Gropçago - vend shkëmbor me pyll, në L.
• Gur’ i Mjalcës - shkëmb ku ka qenë një bletë, në V.
• Gur’ i Stan Vellës – pllajë, në V.
• Hjeja e Gravës - faqe mali, në L.
• Hjésa e Pillit - faqe mali, në L.
• Hosi - brinjë, në J.
• Kalaj’ e Birthit - gërmadhë kalaje në një kodër, në JL.
• Kallogjeri - gërmadhë manastiri në një rrëzë mali, në L.
• Klish’ e Bezës - gërmadhë kishe në fund të majës së Rovit, në JL. Kjo kishë ka qenë e Ledhezës, njij vendbanimi të vjetër që sot ekzistojnë gërmadhat, në L.
• Kllap’ e Likovunit - faqe mali shkëmbore, në L.
• Kokomaro/e/a - pyll me përrall, në V.
• Kopro/ua – pyll me përrall e ullinj, në L.
• Krevatina (Kravatina) - arë, në V.
• Kroi i Bezës - krua, ara e ullishte, në V.
• Kroi i Birbilit - krua, në J.
• Kroi i Kallogjerit - krua, në L.
• Kroi (i) Rrapait - krua, në J.
• Kroi (i) Shëmrizës - krua, në JL.
• Kroi (i) Thatë - krua, në V.
• Kroi (i) Xhamisë - krua, në J.
• Kroi (i) Zonjës - krua, në J.
• Ledheza - mure të rrëzuara të njij vendbanimi të lashtë në JP. Flitet se aty ka lerë Pirrua, mbreti i Epirit, por më tepër thuhet se ka lerë në fshatin Ledhezë të Gumenicës.
• Lëm’ i Gurtë - lëmë, në V.
• Lëm’ i Gjërë - lëmë i gurtë, në V.
• Lëm i Kallogjerit - lëmë, në L.
• Lëm i Maksutit - lëmë, në P.
• Lëm’ i Muharremit - lëmë, në qëndër.
• Lëm i Xhamisë - lëmë, në J.
• Lisat e Golnicës – pyll me lisa në mal, në VP.
• Lis i Arës Vogël - arë me një lis pranë në mal, në VL.
• Lis i Lekës - arë kur dikur pranë saj ka qenë një lis, në V.
• Lis i Xhamisë - lis, në J.
• Lulet e Beesë - ara, në V.
• Mal’ i Kupucës - majë mali, në J.
• Mal’ i Rovit - majë mali, në J. Në fund të kësaj maje ndodhet kisha e Bezës.
• Mjaltëza - shkëmb ku dikur ka ndënjur një bletë, në P.
• Monet e Vlemenjet (Monet e Vlamenjet) - mone bagëtish, në J.
• Monet e Xhixho Gjonit - mone të vjetra bagëtish të një farë Gjoni që s’mahet mënd, në J.
• Palomullithi - dikur ka qenë një mulli i vjetër, sot arë, në V.
• Prrejt e Lamenje - përroje, në L.
• Prroi Bunave - përrua, në L. Ky përrua lidhet me këtë gojëdhënë: “Në kohë të veliçanëve (venecianëve) erdhën kusarët ka Njihuari për të vjedhë bagëti ne Prroi Bunave. I thotë djali babës: Ja shih baba, ki mëndjen e shi mos vinë kusarët e na marrën bagëtinë e të më zgjuaç. Dhe atë natë erdhën kusarët, po baba nuku e zgjoi djalin se mos i vritej dhe tha me vetëhe “më mirë të më marrin dhitë se sa të më vrritet djali” Po djali u zgjua kaha qëntë që lehën dhe i tha të jatit: Çi soj nuku më zgjove çeç?, dhe mori dufejnë e me bët mori kusarët prapa. Si që pa një kusar që i feksi pallacka, e qëlloi dhe e la nglatur bë dhe, edhe një tjetër e Ia plasur si të parin dhe ati u vu sinuari me fshatin e Njihuarit. (Refit Ademi).

Tregojnë se në kohën e venecianëvet disa kusarë nga Njihori erdhën për të vjedhur bagëti të Përroi i Bunave. Një natë djali i një bariu që kish bagetitë aty i thotë të jatit: “Ki mëndjen baba, se mos vinë kusarët të na marrën bagëtinë dhe të më zgjuash. Dhe rastësisht atë natë erdhën kusarët, por i ati nuk e zgjoi të birin se mos i vritej dhe tha me vete “Më mirë të më marrin dhitë se sa të më vritet djali”. Por djalin e zgjuan qentë që lehën dhe ky i thotë të jatit: Si baba ti nuk më zgjove? Dhe mori armët dhe ndoqi kusarët nga prapa. Kur pa një nga kusarët që po i ndriçonte pallaska në errësirë, e qëllon duke e lënë të vdekur në tokë. Edhe një tjetër e goditi dhe e Ia të vdekur dhe aty u vu kufiri i Shëmrizës me fshatin Njihorit. (Hasan Bilal Hasani).

• Prroi (i) Cjepurit - përrua, në JL.
• Prroi (i) Druve - përrua, në L.
• Prroi (i) Hosit - përrua që mban ujë dimër e verë, në J.
• Prroi (i) Malit - përrua, në L.
• Prroi (i) Qafës - përrua, në L.
• Prroi (i) Rodhit - përrua, në L.
• Prroi (i) Shtogut - përrua i thellë, në L.
• Qaf’ e Petiladhit - qafë e veshur me përrall e mërete, në L.
• Qaf’ e Prerë - qafë, në L.
• Qaf’ e Thanës - qafë, në L.
• Radhejt - varg shkëmbor, në L.
• Radhoi Xarrë – brez shkëmbor, në L.
• Rova - ara e pyje, në P.
• Rraha - përrua, në L.
• Rrahet - rrahë, në V.
• Rrahu i Golnicës - pyll, në VP.
• Rrap i Kroit - rrap shekullor, në P.
• Rrap i Shëmrizës - rrap i madh në qendër të Shëmrizës. Aty vinin për të veruar qytetarë nga Gumenica.
• Rrap i Xhamisë - rrap pranë xhamisë, në J.
• Spitharet e Arës Madhe - spitharë, në L.
• Shadaneja - ara e ullinj, në L.
• Shesh i Bardhë - shesh, në V.
• Shesh i Butë – shesh, në V.
• Shesh i Math – shesh, në V.
• Shkallët e Petiladhit - rrugë malore, në V.
• Shtrung’ e Arës Madhe – shtrungë e gurtë, në V.
• Shtrung’ e Bregut - shtrungë e gurtë, në V.
• Shtrung’ e Arës Vogël - shtrungë e gurtë, në VL.
• Ullit e Kiçit – ullinj, në L.
• Varr i Pillit – arë, varr i vjetër, në L.
• Verdhëza – arë, në L.
• Verret - varret e fshatit, në L.
• Vështi – vësht me ullinj, në L.
• Vulistra – burim, në V.
• Xarra - faqe mali me pyll, në L.
• Xhamia e Shëmrizës - xhami e fshatit, në qender.

Demografia

Familjet në fshatin Shëmrizë:(Para Luftës së Dytë Botërore)

Agaçenj, Brahiménj, Deménj, Hasanatë, Hoxharénj, Kaçalarë, Laménj, Maksuténj, Meçatë, Meçoratë (fis’ i shuar), Muftarénj, Osmanénj, Sejdillarë, Tahirénj.

Lidhje të jashtme

• vendndodhja