Jump to content

Komuna e Dibrës

Nga Wikipedia, enciklopedia e lirë
Komuna e Dibrës
Komunë Urbane
Official logo of Komuna e Dibrës
Stema
Location of Komuna e Dibrës
Shteti Maqedonia e Veriut
Rajoni Jugperendimor
Vendodhja KomunësDibër
Qeveria
 • Kryetar KomuneHekuran Duka
Sipërfaqja
 • Gjithsej145,67 km2 (5,624 sq mi)
Popullsia
 • Gjithsej15.412
 • Dendësia134,15/km2 (34,740/sq mi)
Zona kohoreUTC+1 (CET)
Prefiksi+389 46
Faqja zyrtareOfficial Website

Dibër është një komunë në pjesën perëndimore të Republikës e Maqedonisë së Veriut. Dibër quhet edhe qyteti ku gjendet vendodhja e komunës. Komuna Dibrës është pjesë e Rajonit jugperëndimor.

Gjeografia

[Redakto | Redakto nëpërmjet kodit]

Qyteti i Dibrës ndodhet në pjesën më perëndimore të Republikës e Maqedonisë së Veriut në përgjithësi pranë kufirit me Shqipërinë. Kryeqyteti i Shkupit është 131 km larg, dhe qyteti më i afërt është Struga (52 km) dhe Gostivari (71 km).Atë e përbën fusha e dibres ndërmjet malit Deshat (Krcin), liqeni i Dibrës dhe lugina e Drinit të zi që derdhet në liqenin e sipërpërmendur. Në fakt, fusha përfaqson një terracë relievi të gjerë, që lëshohet nga lugina e Drinit të zi. Dibra ndodhet në lartësi mbidetare prej 625 metra.

Komuna e Dibrës kufizohet me Komunat:Mavrovës dhe Radostushës në veri-lindje, Komuna e Kërçovës ne juglindje,Komuna e Qendrës Zhupa në jug dhe në vijën kufitare shtetrore me Shqipërinë. Në Dibër kryqëzohen: rruga rajonale që përshkon Gostivarin, Hanet e Mavrovës, Dibrën, Lukovën, Strugën si dhe ajo që lidh Dibrën me pikën kufitare të Bllatës(për në Shqipëri).

Dibra është e rrethuar nga:

Ekonomia

[Redakto | Redakto nëpërmjet kodit]

Sipërfaqja e Komunës Dibër ka një pozitë të atillë ku bashkohen kanjonet apo luginat piktoreske të lumenjve Radika (Lum)dhe Drini i Zi, të cilët derdhen në liqenin e Dibrës. Ajo është e rrethuar nga malet e Jablanicës, Stogovës dhe Kërçinit(Deshat). Liqeni i Dibrës shtrihet nga HEC “Globoçica”, nëpër luginën e lumit Drin i zi dhe atë të Radikës deri të banjat e Kosovrastit, me gjatësi maksimale prej 22 km dhe sipërfaqe prej 13 km2, ndërsa vëllimi i përgjithshëm i ujit është 520 miljon m3 ujë. HEC Spilja, për një vit prodhon mesatarisht 300 milion kw/h energji elektrike. Uji i Liqenit të Dibrës shfrytëzohet edhe për ujitje, nëpërmjet sistemit hidromeliorativ në Fushën e Dibrës. Dibra ka dy burime termoninerale: në fshatrat Banisht dhe Kosovrasti, të cilat janë të njohura si vende shërimi dhe numërohen ndërmjet banjave me aftësi shëruese më të njohura në Evropë (për shërimin e shumë sëmundjeve). Bartës i turizmit banjor në Dibër është OSHR “Banjat e Dibrës” me mbi 150 të punësuar dhe me kapacitet prej 700 shtretër – dhe atë në hotelet në fshatin Kosovrast, Banjisht dhe Venec(në qytet). Në vit realizohen mesatarisht rreth 60.000 buajtje. Potencialet natyrore të shprehura në vlera relievike, hidrografike dhe pejsazho-ambientale, mundësojnë zhvillim e turizmit banjor, liqenor, malor e rekreativ me rëndësi rajonale e lokale. Në teritorin e Komunës Dibër ndodhet relievi i vetëm i gipsit në Republikë, i cili shtrihet në gjatësi prej 9 km. Xehja e gipsit është e kualitetit të lartë(99%), me përmbajtje të gipsit të pastër, dhe për nga kualiteti rënditet ndërmjet atyre më kualitativë në botë.

Demografia

[Redakto | Redakto nëpërmjet kodit]

Sipas regjistrimit të vitit 2002 në Komunën e Dibrës te madhe jetojnë 19542 banorë:

Mother tongues in the municipality include:

Zhvillimi demografik i komunës së Dibrës brenda kufijve të sotëm.[1]

Viti i regjistrimit Totali Maqedonet % Shqiptarët % Turqit % Romë % Vllahë Serbët Boshnjakët Të tjerë.
1953 10258 3392 33.07 5819 56.73 776 7.56 83 0.81 2 114 0 72
1961 11162 2025 18.14 6476 58.02 2002 17.94 0 0.00 0 86 0 573
1971 13802 2022 14.65 8793 63.71 2414 17.49 0 0.00 0 106 0 467
1981 16952 2358 13.91 9981 58.88 1130 6.67 1030 6.08 0 37 0 2416
1994 19010 4266 22.44 10935 57.52 1875 9.86 1103 5.80 1 34 0 796
2002 19542 3911 20.02 11348 58.09 2684 13.74 1080 5.53 2 22 3 492

Vendbanimet

[Redakto | Redakto nëpërmjet kodit]

Komuna e Dibrës i përfshin këto vendbanime:

Komuna e Dibrës

Selia: Dibra dhe vendbanimet: Ama | Banishta | Bohmova | Gajrja | Hotishani | Kojnarja | Kosovrasti i Epërm | Kosovrasti i Poshtëm | Krivca | Mogorçe | Osoji | Rajçica | Sollokiqi | Spasi | Taraniku | Tatar Elevca | Zhepishti

 


Shiko edhe

[Redakto | Redakto nëpërmjet kodit]

Referime

[Redakto | Redakto nëpërmjet kodit]
  1. ^ "Archived copy". Arkivuar nga origjinali më 2013-10-14. Marrë më 2013-07-31. {{cite web}}: Mungon ose është bosh parametri |language= (Ndihmë!)Mirëmbajtja CS1: Archived copy si titull (lidhja)

Lidhje të jashtme

[Redakto | Redakto nëpërmjet kodit]
Marrë nga "https://sq.wikipedia.org/w/index.php?title=Komuna_e_Dibrës&oldid=2592826"