Jump to content

Universiteti i Prishtinës

Coordinates: 42°38′55″N 21°10′02″E / 42.648663°N 21.167248°E / 42.648663; 21.167248
Nga Wikipedia, enciklopedia e lirë
Universiteti i Prishtinës "Hasan Prishtina"
Logoja e Universitetit të Prishtinës
Stema e Universitetit të Prishtinës
Latin: Universitas Studiourum Prishtiniensis
LlojiPublik
Themelimi1999; 26 vite më parë (1999) (de facto)
18 nëntor 1969; 55 vite më parë (1969-11-18) (zyrtarisht)
Buxheti34 millionë euro
RektoriArben Hajrullahu [1]
Stafi akademik
1,284
Studentë24,980 (2023–24)
Location
Prishtinë
,
Kosovë

42°40′00″N 21°10′00″E / 42.666667°N 21.166667°E / 42.666667; 21.166667
KampusiUrban
Colors     
Faqja zyrtareuni-pr.edu

Universiteti i Prishtinës "Hasan Prishtina" (UP) është një universitet publik në Prishtinë, Kosovë. Ky institucion u formua pas shpërbërjes së Universiteti i Prishtinës (1969–99) si pasojë e Luftës së Kosovës. Ai është universiteti më i madh dhe më i vjetër aktiv në Kosovë.

UP-ja ka 17 fakultete — 14 prej tyre akademike, dhe 3 prej tyre për shkenca të aplikuara.

Ajo është anëtare e plotë e Asociacionit të Universiteteve Evropiane.[2]

Historiku

[Redakto | Redakto nëpërmjet kodit]

Institucioni i parë i arsimit të lartë në Kosovë ishte Shkolla e Lartë Pedagogjike në Prishtinë (1958). Në fillim kishte këto grupe mësimore: Grupi i Gjuhës dhe i Letërsisë Shqipe, Grupi i Gjuhës dhe i Letërsisë Serbokroate, Grupi i Biologjisë, i Gjeografisë dhe i Kimisë, Grupi i BAT-it dhe i Fizikës, Grupi i Matematikës dhe i Fizikës. Në vitin e parë shkollor 1958/59 u regjistruan 93 studentë të rregullt dhe 55 me korrespondencë. Në vitin shkollor 1961/62 u hap paralelja e SHLP të Prishtinës në Prizren, ku u regjistruan 100 studentë, 48 prej të cilëve ishin shqiptarë. Në vitin 1962 SHLP e Prizrenit bëhet e pavarur. SHLP e Prishtinës themeloi edhe Qendrën për studime me korrespondencë në Novi Pazar, me 50 studentë.

UP u themelua me Ligjin mbi themelimin e Universitetit të Prishtinës, të cilin e miratoi Kuvendi i Krahinës Socialiste të Kosovës më 18 nëntor 1969.[3] Themelimi i Universitetit të Prishtinës ishte një ngjarje historike për popullin e Kosovës dhe sidomos për kombin shqiptar. Kuvendi themelues i Universitetit të Prishtinës u mbajt më 13 shkurt 1970, kurse dy ditë më vonë , më 15 shkurt 1970 u mbajt edhe mbledhja solemne e Kuvendit dhe data e 15 shkurtit u shpall Ditë e Universitetit të Prishtinës. Në përbërje të Universitetit të Prishtinës të posathemeluar ishin këto fakultete me seli në Prishtinë: Fakulteti Filozofik, Fakulteti Juridiko-Ekonomik, Fakulteti Teknik dhe Fakulteti i Mjekësisë. Universiteti i Prishtinës ka 17 fakultete. Shkollat e larta pedagogjike dhe Fakulteti i Mësuesisë janë bartur në Fakultetin e Edukimit.

Fakultetet

[Redakto | Redakto nëpërmjet kodit]

Njësitë akademike të universitetit janë:[4]

  • Fakulteti i Filologjisë
    Fakulteti i Filologjisë
  • Fakulteti i Ndërtimtarisë, Arkitekturës dhe Inxhinierisë
    Fakulteti i Ndërtimtarisë, Arkitekturës dhe Inxhinierisë
  • Fakulteti i Mjekësisë (Instituti A)
    Fakulteti i Mjekësisë (Instituti A)
  • Fakulteti i Filozofisë
    Fakulteti i Filozofisë
  • Fakulteti i Shkencave Matematike - Natyrore
    Fakulteti i Shkencave Matematike - Natyrore
  • Fakulteti Juridik dhe Ekonomik
    Fakulteti Juridik dhe Ekonomik
  • Kampusi
    Kampusi

Doctor Honoris Causa[5]

[Redakto | Redakto nëpërmjet kodit]

Anëtar nderi

[Redakto | Redakto nëpërmjet kodit]

Njerëz të shquar

[Redakto | Redakto nëpërmjet kodit]

Anëtarë të fakultetit dhe të diplomuar

[Redakto | Redakto nëpërmjet kodit]

Shih edhe

[Redakto | Redakto nëpërmjet kodit]

Lidhje të jashtme

[Redakto | Redakto nëpërmjet kodit]

Referime

[Redakto | Redakto nëpërmjet kodit]
  1. ^ Q., Sh. (27 shtator 2024). "Konstituohet menaxhmenti i ri i UP-së". RTK. Marrë më 7 janar 2025. Në mbledhjen e Këshillit Drejtues, rektori në ardhje Arben Hajrullahu e ka prezantuar ekipin e tij me të cilin do të punoj deri me 15 shtator 2028.
  2. ^ "Member directory". European University Association (në anglisht). Marrë më 7 janar 2025.
  3. ^ Hajrullah Koliqi:40 vjet të tempullit tonë të diturisë /Shkrime për Universitetin e Prishtinës/, Universiteti i Prishtinës, Prishtinë, 2010, fq. 62. ISBN 978-9951-00-107-6
  4. ^ "Njësitë akademike (Fakultetet)". Universiteti i Prishtinës Hasan Prishtina. Marrë më 2025-01-07.
  5. ^ "Titujt e nderit". Arkivuar nga origjinali më 22 janar 2020. Marrë më 2 gusht 2018.
  6. ^ Grup autorësh:Tempulli i dijes (monografi) 1970 - 2012 Arkivuar 25 prill 2017 tek Wayback Machine, Universiteti i Prishtinës, Prishtinë, 2012, fq. 75. ISBN 978-9951-00-145-8
  7. ^ Grup autorësh:Tempulli i dijes (monografi) 1970 - 2012 Arkivuar 25 prill 2017 tek Wayback Machine, Universiteti i Prishtinës, Prishtinë, 2012, fq. 94. ISBN 978-9951-00-145-8

42°38′55″N 21°10′02″E / 42.648663°N 21.167248°E / 42.648663; 21.167248

Marrë nga "https://sq.wikipedia.org/w/index.php?title=Universiteti_i_Prishtinës&oldid=2738008"