Paolo Maldini

Paolo Maldini

Maldini duke luajtur për Milan në 2008
Të dhënat personale
Emri i plotë	Paolo Cesare Maldini
Data e lindjes	26 Qershor 1968
Vendi i lindjes	Milan, Itali
Gjatësia	1,86 m (6 ft 1 in)
Pozita ne fushë	Mbrojtës
Kariera në rini
1978–1985	Milan
Kariera profesioniste*
Vitet	Klubi	Ndesh.†	(Gls)†
1985–2009	Milan	647	(29)
Ekipi kombëtar
1986–1988	Italia U–21	12	(5)
1988–2002	Italia	126	(7)
* Ndeshjet dhe golat në nivelin profesionist, vetëm në ligën vendase . † Ndeshje (Gola).

Paolo Cesare Maldini (lindur më 26 qershor 1968) është një ish futbollist italian i cili ka luajtur si mbrojtës i majtë dhe qëndër mbrojtës, duke u adoptuar me të dyja këmbët pasi këmba e tij natyrale është e djathta. Ai ka shpenzuar të gjitha 24 sezonet e karrierës së tij në Serie A te AC Milan, përpara se të tërhiqej nga futbolli në moshën 41 vjeçare në 2009, duke u bërë një simbol dhe legjendë e klubit. Gjatë qëndrimit të tij te Milan, ai ka fituar Champions Leaguen pesë herë, dhe sigurisht shtatë herë titullin e Serie A, një herë Coppa Italia, pesë herë Supercoppa Italiana, 5 herë Super Kupën Europiane dhe 2 Kupa Ndërkombëtare. Ai ka luajtur për 14 vite me kombëtaren italiane, duke bërë debutimin e tij në 1988 përpara tërheqjes në 2002, duke luajtur gjithsej 126 ndeshje dhe duke përfaqsuar kombin e tij në katër Kupa Bote.

Maldini është konsideruar të jetë si një nga mbrojtësit më të mirë në histori . Maldini ka luajtur në nivel të klasit botërorë në të gjithë karrierën e tij duke shpenzuar 25 vite. Ai ka fituar trofeun e mbrojtësit më të mirë në UEFA Çmimet e Klubeve të Futbollit në moshën 39 vjeçare. Ai u rendit i dyti pas George Weah për çmimin FIFA Lojtari Botëror i Vitit në 1995, duke u bërë mbrojtësi i parë që i afrohet fitimit të këtij çmimi deri kur Fabio Cannavaro, shoku i tij italian, e fitoi këtë çmim në 2006. Ai u zgjodh si mbrojtës në Skuadrën e Ëndërrave të Kupave të Botës, dhe në 2004, ai u emërua si një nga 125 futbollistët më të mirë që jetojnë si pjesë e festimit të 100-vjetorit të FIFA-s .

Maldini gjithashtu ka qënë kapiten i Milanit dhe i Italisë për shumë vite duke u konsideruar si një udhëheqës në mesin e udhëheqësve nga futbollistët e tjerë, duke bërë që ai të fitoj pseudonimin "Il Capitano" (Kapiteni). Babai i Paolos, Cesare ka qënë futbollist i Milanit dhe i Italisë, gjithashtu ka qënë edhe trajner i suksesshëm i kombëtares U–21.

Karriera

Maldini e ka shpenzuar të gjithë karrierën e tij te AC Milan, duke fituar të luajë me ta që nga shtator 1978. Ai bëri debutimin e tij në Serie A në sezonin 1984–85 më 20 janar 1985, duke zëvëndësuar të dëmtuarin Sergio Battistini në një ndeshje kundër Udineses në moshën 16 vjeçare, ndeshja përfundoi me rezultatin 1–1 . Kjo ishte ndeshja e vetme që luajti në sezonin 1984–85, por megjithatë, ai ishte në formacionin startues të skuadrës në sezonin tjetër në moshën 17 vjeçare. Ai mori fanellën me numrin 3 dhe nisi duke luajtur si mbrojtës i majtë. Scudetto i sezonit 1987–88 ishte trofeu i parë i Maldinit me fanellën e Milanit, dhe i pari nga shtatë titujt që Maldini do të fitonte gjatë karrierës së tij me klubin . Ai shënoi Golin e parë në Serie A me Milanin më 4 janar 1987 në fitoren 1–0 jashtë fushe kundër Comos. Goli i parë në Europë më 21 tetor 1992 në fitoren 1–0 jashtë fushe kundër sllovakëve të Slovan Bratislava .